HAMALIMON 11:42 - BIBEL JAMITA NA DENGGAN

⁴² bope binatang na mangincir, siopat pat sanga sibahat pat haram do i.

HAMALIMON 11:42 Referans Kwoze

TITUS 1:12

Jungada do adong panurirang ni halahi sandiri na marasal sian Kreta mandok: “Anggo halak Kreta angka pargabus do i, binatang panyoro, na songkal jana na losok.”

2 KORINTUS 11:13

Angka rasul na so tutu do i. Angka parkarejo na paoto-oto halak do i na pasuman-sumankon songon rasul ni Kristus.

2 KORINTUS 11:3

Tapi songon na ganggu do rohangku, betak na hona goda do hamu jana nada setia be hamu tu Kristus, sarupa dohot si Hawa narobi na hona goda dibaen habisuhon ni ulok i.

JOHANNES 8:44

Angka anak ni Sibolis do hamu. Jadi hagiot ni amangmunu do na nijalahanmunu. Sian mula-mulana do Sibolis i sibunu jolma. Nada mangolu dibagasan hatutuan ia, harana nada adong disia hatutuan. Pargabus do Sibolis, angke songon i hian do bako ni i. Tutu do pargabus Sibolis i, ia do ama ni sandok gabus.

MATEUS 23:23

Marjaya ma hamu angka Siboto Surat dohot angka Parise! Pangalancap do hamu! Dilehen hamu do parpuluan ni pulungan ni bulung-bulung ni parmasak dohot silalat dohot jintan tu Tuhan. Hape anggo angka pangalaho na ummarga sian angka tona i, umpamana rupani: Hatigoran, asi ni roha, haburjuon, nada diterge hamu be. Angkon i do nian parjolo baenonmunu so pola mangkalupahon na asing-asing i muse.

MATEUS 3:7

Bahat muse do halak Parise dohot Saduse na marroan tu si Johannes, anso tardidi. Dung diida ia halahi marroan, didok ia ma tu halahi, “Hamu angka pomparan ni ulok! Ise do mandok tu hamu, na bisa pasimbilon dirimunu sian muruk ni Debata na giot ro i?

MIKA 7:17

Gabe songon ulok ma halahi mandilati tano, jana songon angka binatang na manjulur di tano i; humitir ma halahi ruar sian bentengna jana ro ma tu jolo ni Tuhan Debatanami, humitir marhite biar tu Ho.

JESAYA 65:25

Rap manjampal ma sorigala dohot anak ni biri-biri, singa pe mangan durame songon lombu, jana ulok pe mangolu sian abu. Di sude dolokKu Na Badia i nada adong be na mangarugi i, sanga mambaen na jahat,” ninna Tuhan.

PAMUNGKAAN 1:20

Dung i mangkuling ma Debata, “Maringanan ma ragam-ragam ni angka na mangolu di aek i dohot angka unggas manggohi awang-awang i.”

HAMALIMON 11:41

Pahan-pahanan na menek na mangolu di tano,

HAMALIMON 11:43

Ulang nipahodar diriniba hara ni na mangankon angka pahan-pahanan na songon i.