HAMALIMON 11:13 - BIBEL JAMITA NA DENGGAN

^13-19 Ulang pangan hamu sada pe sian angka unggas on: unggas rajawali, sipauk, sude ragam ni halihi nasar, gawak, burung unto, camar, blekok dohot sude ragam ni sibarung, rande, haluang dohot arip-arip.

HAMALIMON 11:13 Referans Kwoze

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.

MATEUS 24:28

“Sanga di dia adong bangke, marrongom do disi angka unggas sipangan bangke.”

HABAKUK 1:8

Humipas do kudo ni halahi sian babiat jana gumanas do sian sorigala na malean borngin-borngin. Marroan do angka paranganna na markudo sian angka luat na dao; marroan halahi songon halihi na manyoro soroanna.

HOSEA 8:1

Didok Tuhan ma, “Palu ma sarune, paboa na ro parmaraan! Tudos tu halihi na manangkup soroanna do musu ro mamorangi tanongKi! Dilaosi bangsongKi do parjanjianKu dohot halahi jana dialo angka pangajaranKu.

ANDUNG 4:19

Humipas do na mangayak hami sian unggas rajawali; di dolok dohot di halongonan dikojar jana diolat halahi do hami.

JEREMIA 48:40

Didok Tuhan ma, “Songon halihi na habang, tudos tusi ma sada bangso giot ro manyoro Moab.

JEREMIA 4:22

Didok Tuhan do, “Na oto ma antong bangsongKi, nada ditanda halahi Au. Laing matua songon anak na bodo do halahi saotik pe nada bagi aha diboto; pistar do halahi anggo di hajahatan tapi nada malo di hadengganan.”

JEREMIA 4:13

Ligi da, marmuldopan musu i songon ombun. Angka kareta porangna i songon halingsungsung, angka kudona i humipas sian unggas rajawali. Marjaya ma hita on! Mago ma hita!

JOB 38:41

Ise do na mangurupi unggas sigak na malean jana na pahae-pahulu marsioban dalanna manjalahi panganonna? Ise muse dehe na manolong muda pio-pio tu Au angka anakna mangido sipanganon?

JOB 28:7

Nada diboto halihi dalan tu panombangan i, hum habang pe di ginjangna nada unjung halihi bangar.

ZAKARIA 5:9

Manaili ma au tu ginjang jana huida ma dua dadaboru na habang adop au. Tohong do habong ni halahi songon habong ni sibarung. Dibuat halahi ma karanjang sinangkin lalu dihabangkon halahi.