HAMALIMON 11:10 - BIBEL JAMITA NA DENGGAN

^10-12 Sude ragam ni binatang na mangolu di bagasan aek, tapi nada marhapi-hapi bope nada marsisik, na haram do i etongon. Angka binatang na songon i nada tola panganon, sanga dais tu bangkena nada tola.

HAMALIMON 11:10 Referans Kwoze

PODA 29:27

Halak na burju nada sonang rohana tu halak na jahat; magigi do halak na jahat tu halak na burju.

HAMALIMON 7:18

Tapi anggo laing dipangan muse dope lobina i, nada dijagit Debata haulna i. Nada gabe pasupasu haul i di halakna i, tapi na haram do i etongon. Sanga ise mangankon haul na haram, angkon manaon hara ni hasalaanna sandiri.

PODA 13:20

Muda mardongan dohot halak na marroha, gabe marbisuk iba; muda margaul tu halak na bodo, gabe iba hona mara.

PANGARATAION 14:3

“Binatang na nidok ni Tuhan na haram, nada tola panganonmunu.

HALUMBAAN 21:8

Tapi anggo angka parbiar, angka na so tontu, angka na so ture, sibunu jolma, angka na rogon, angka pardatu-datu, angka na manyomba gana-ganaan dohot sudena pargabus, laut api do inganan ni halahi dohot barerang na gara-gara, i ma hamatean na paduahon i.”

PAMUNGKAAN 1:20

Dung i mangkuling ma Debata, “Maringanan ma ragam-ragam ni angka na mangolu di aek i dohot angka unggas manggohi awang-awang i.”

HAMALIMON 11:9

Sude ragam ni ihan na marhapi-hapi jana marsisik, tola do panganon.

PANGARATAION 14:10

Binatang na mangolu di bagasan aek tapi nada marhapi-hapi dohot marsisik, nada tola panganon jana angkon haram do i etongon.