HAMALIMON 10:15 - BIBEL JAMITA NA DENGGAN

¹⁵ Pat na pudi dohot andora ni pahan-pahanan i, angkon taruhonon ni halahi tu hamu, hatiha dipasahat tabo-tabona i gabe haul sipanganon tu Tuhan. Angka bagian on gabe bagianmu dohot angka anakmu ma i sapanjang, songon na nidok ni Tuhan i hian.”

HAMALIMON 10:15 Referans Kwoze

HAMALIMON 7:34

Andora dohot patna pudi sabola siamun, i ma silehen-lehen na mardohonan na nibuat ni Tuhan sian bangso Israel bagian ni angka malim. I ma silehenon ni bangso Israel tu angka malim sapanjangna.

PAMUNGKAAN 17:17

Gabe manungkap ma si Abraham, tapi mikim do ia di na nipikirnia, “Mungkin do lakna sada halaklahi na marumur saratus taon mardakdanak? Mungkin dope ulaning adong anak ni si Sara na marumur sambilan pulu taon i?”

PAMUNGKAAN 17:13

Ganop halak na sorang di bagasmu dohot halak na nitobusanmu dohot hepeng angkon disunat, jana di dagingmu do parjanjianKu salolot ni lolotna.

PAMUNGKAAN 17:8

LehenonKu ma di ho dohot di pomparanmu, i ma tano na niingananmon saonnari songon paisolat. Sude tano Kanaan gabe pomparanmu ma nampuna i ro di salolot-lolotna jana Au ma gabe Debata ni halahi.”

PAMUNGKAAN 13:15

lehenonKu ma tu ho dohot tu pomparanmu sude tano na niidami anso gabe ho nampunasa salolot-lolotna.

HARURUAR 29:27

Di upacara pangangkatan ni malim, andora dohot hae-hae ni biri-biri na nipake di upacara i angkon nihaulkon tu Au gabe haul na mardohoan jana nipainding ma i bagian ni malim.

HAMALIMON 3:17

Sahalak pe sian halak Israel nada tola mangankon tabo-tabo dohot mudar. Hot do aturan on ro di salolotna angkon sioloan ni ganop halak Israel sanga di dia pe halahi maringanan.

BILANGAN 5:9

Jana ganop silehen-lehen na mardohonan na nilehen ni halak Israel tu Tuhan, gabe bagian ni malim na manjagit na nilehen i ma i.

HARURUAR 29:28

HaputusanKu do on na so tola ubaon: Di na ro bangsongKu manghaulkon haul pardonganan, andora dohot hae-hae ni pahan-pahanan i, gabe bagian ni angka malim. I ma haul ni bangsongKu di Au, Tuhan.

HAMALIMON 2:3

Na lobi sian haul gandum i, i ma bagian ni malim. Na badia do gandum i, angke na nibuat sian panganon na dung nihaulkon tu Tuhan do i.