HAMALIMON 1:5 - BIBEL JAMITA NA DENGGAN

⁵ Dung i angkon di pintu ni Bandar Parmianan i do disambol lombu i. Mudar ni lombu i, pasahaton ni angka malim sian pomparan ni si Harun ma i tu Tuhan, lalu dipispiskon tu opat-opat topi ni langgatan na donok tu pintu ni Bandar Parmianan i.

HAMALIMON 1:5 Referans Kwoze

HAMALIMON 3:8

Jana angkon payakkononna ma tanganna tu ginjang ulu ni biri-biri i lalu disambol ia ma i di jolo ni Bandar Parmianan. Lalu diduruskon malim i ma mudarna i tu na opat topi ni langgatan i.

HAMALIMON 1:11

Sambolon ni halahi ma pahan-pahanan i di topi ni langgatan sabola sian Utara, dung i pispiskonon ni malim ma mudar ni pahan-pahanan i tu na opat topi ni langgatan i.

HAMALIMON 3:2

Halak na maroban haul, angkon dipayakkon do tanganna tu ginjang ni ulu ni lombu i lalu disambol di pintu ni Bandar Parmianan Ni Tuhan. Dung i dipispiskon angka malim pomparan ni si Harun ma mudar ni lombu i tu na opat topi ni langgatan i.

1 PETRUS 1:2

mangihutkon sangkap ni Debata Ama jana na niparbadiai ni Tondi, anso mangoloi Jesus Kristus jana manjagit pamispion ni mudarNia. Mur martamba ma asi ni roha dohot hasonangan di hamu.

IBRANI 12:24

Diadopi hamu do Jesus pandomui na mambaen janji na imbaru i; diadopi hamu do mudar pamispison na gabe jaminan ni angka na dao dumenggan sian na nijamin ni mudar ni si Abel.

2 JUJUR TAON 35:11

Dung i disambol halahi ma pahan-pahanan sipakeon di pesta Paskah i; halak Levi ma mambobahina jana angka malimma mamispiskon mudarna i tu ginjang ni langgatan.

HAMALIMON 3:13

angkon payakkonon ni na maroban haul i ma tanganna tu ginjang ulu ni hambeng i lalu disambol ia ma i di jolo ni pintu ni Bandar Parmianan Ni Tuhan. Pispiskonon ni malim i ma mudar ni hambeng i tu na opat topi ni langgatan i.

HARURUAR 29:16

Dung i sambol ma binatang i, buat ma mudarna i jana pispiskon ma tu suhi-suhi na opat ni langgatan i.

IBRANI 10:11

Sasude Malim Ni Jahudi angkon mandalankon karejo hamalimon ganop ari, jana marpupu ia manghaulkon angka haul na sarupa. Hape dosa aha pe nada adong tarsesa angka haul i.

MIKA 6:6

Aha dehe sihaulkononku tu Tuhan, Debata na di banua ginjang muda ro au marsomba tuSia? Angkon obanonku dehe lombu jara-jara na ummokmok baen sihaulkonon gabe haul situtungon tuSia?

JEHESKIEL 36:25

Dung i pispisonKu ma hamu dohot aek na lan, anso ias hamu sian sude gana-ganaanmunu dohot sian sasude na pahodarkon hamu.

JESAYA 52:15

Tapi anggo saonnari bahat bangso homang hara ni ia, mangkohom angka raja hara ni longangna. Angke na so dibaritahon humani tu halahi, ligion ni halahi ma saonnari, dohot aha na so binege ni halahi, astuanna ma saonnari.

BILANGAN 18:17

Tapi anggo lombu, biri-biri dohot hambeng, na sorang parjolo nada tola tobuson. Pahan-pahanan na songon i Au do nampunasa jana angkon dihaulkon. Siramkon ma mudarna i tu langgatan jana tutung tabo-tabona i gabe haul sipanganon. Uap ni haul i pajopkon rohangKu.

HAMALIMON 16:15

Dung songon i, sambolon ni si Harun ma hambeng na gabe haul hasesaan ni dosa ni rayat i. Mudar ni hambeng i angkon obanon tu Bilik Na Sun Badia, lalu dipispiskon tu ginjang ni Poti Parjanjian i dohot tu jolo ni Poti i, songon na dung dibaen dos dohot mudar ni lombu jantan i.

HAMALIMON 1:15

Obanon ni malim i ma unggas i tu langgatan i, lalu dipulos rungkungna, uluna i ditutung di ginjang langgatan i. Mudarna angkon dipispiskon tu topi ni langgatan i.

HARURUAR 29:11

Angkon disi do nisambol lombu i, di jolo ni ingananKu na badia, di pintu ni Bandar Parmianan.

HAMALIMON 4:29

Angkon payakkononnia ma tangannia tu ginjang ni ulu ni hambeng i, lalu disambol ia ma i di topi sabola sian Utara ni langgatan haul situtungon, inganan panyambolan ni angka pahan-pahanan na gabe haul situtungon.

HAMALIMON 4:33

Angkon payakkononnia ma tangannia tu ulu ni pahan-pahanan i, lalu disambol ia ma i sabola sian Utara ni langgatan inganan ni haul situtungon, inganan panyambolan ni angka binatang na gabe haul situtungon.

HAMALIMON 17:11

Hosa ni ganop na mangolu, di bagasan mudarna do. Hara ni i ma dibaen diparentahon Tuhan anso sude mudar diduruskon di ginjang ni langgatan anso sesa sude dosa. Sarupa dohot hosa do mudar i manyesa dosa.

1 SAMUEL 1:25

Disambol ma lombu i jana ditaruhon ma si Samuel tu si Eli.

JEHESKIEL 43:18

Didok Tuhan Debata i ma tu au, “Ale anak ni jolma, tangihon ma sanga aha na Hudok tu ho. Muda dung sidung langgatan i di pajongjong, angkon rasmihononmu do i marhite na manutung haul di ginjangna i jana pispiskon ma tusi mudar ni haul i.

HARURUAR 40:6

Tapi anggo langgatan pamelean ni pelean situtungon angkon pajongjongonmu do di jolo ni pintu Inganan Na Badia i, bandar parluhutan i.

HAMALIMON 4:7

Angkon niapuskon muse ma saotik sian mudar i tu angka tanduk na di suhi-suhi ni langgatan i mardongan hamonyan na huskus na di bagasan Bandar Parmianan. Lobi ni mudar i angkon niusehon tu ojahan ni langgatan ni haul situtungon di balian ni Bandar Parmianan di jolo ni pintuna i.