HAGAI 1:8 - BIBEL JAMITA NA DENGGAN

⁸ Saonnari manangkok ma hamu tu angka dolok laho martoktok, lalu pauli hamu ma BagasKu; jadi gabe sonang ma Huhilala jana pataridahononKu ma hamuliaonKu disi, ninna Tuhan.

HAGAI 1:8 Referans Kwoze

ESRA 3:7

Disumbangkon rayat i ma hepeng laho mangupai tukang batu dohot tukang hayu. Ditongoskon halahi muse do sipanganon, inumon dohot miak zetun tu kota Tirus dohot Sidon laho martukar dohot hayu sampinur Libanon sian angka kota i. Dioban ma hayu i tu Jopa mamolus laut. Sian isin ni si Kores, raja ni Persia i do dikarejohon rayat i sudena i.

2 JUJUR TAON 7:16

Hubaen pe sudena i dibaen na dung Hutodo do inganan on jana Huhapunjungkon gabe inganan maribadat tu Au salolot-lolotna. ParrohahononKu jana jagohononKu do i sapanjangna.

HAGAI 2:7

HuturonKu ma sandok bangso. Jadi marroan ma angka arta hasudungan ni roha ni saluhut angka bangso, jana gokanKu ma Bagas on dohot hagodangan, ninna Tuhan Na Markuaso i.

1 RAJA-RAJA 9:3

Didokkon Tuhan ma tu si Salomo, “Madung Hubege tangiangmu, jana rap dohot on Hupatangkas ma, bahaso bagas na dung nipajongjongmon gabe inganan na mardohonan ma on salolot-lolotna muda giot manyomba Au. Huparate-atehon jana Hujagohon pe inganan on.

HARURUAR 29:43

Disi ma Au marsuo dohot bangso Israel, jana gabe badia ma inganan i baenon ni sinondang na sumirlak hara ni na ro Au disi.

HAGAI 2:9

Jumeges dope BagasKu na imbaru on, ulang pado na parjolo i, jana lehenonKu ma dison dame dohot hasonangon tu bangsongKu.” Madung didok Tuhan Na Markuaso i na songon i.

JESAYA 66:11

Daionmunu ma hataboan ni pasupasuna, songon dakdanak na manyusu tu inangna.

JESAYA 60:13

Hasangapon ni Libanon, i ma: Hayu ampolu, barangan dohot sampinur, hayu hasurungan ni tombak Libanon na jeges i, dioban ma i tu ho, kota na badia laho mangulahi mambangunsa, jana mambaen BagasKu jumagar boti mambaen inganan ni patKu marmulia.

JESAYA 60:7

Hambeng biri-biri ni Nebayot dohot Kedar dioban tu ho baen tutungon di langgatan gabe ibadatMu. Jadi gabe jop ma roha ni Tuhan. BagasNia mur tu jagarna.

ESRA 6:4

Angka dindingna i angkon songon on do pambangunna: Ganop tolu lampis batu angkon baenon ma salampis hayu di ginjangna i. Biayana tanggungan ni kas ni harajaan do.

1 RAJA-RAJA 6:1

Di bulan Ziv, i ma bulan paduahon, di taon paopatkon mamarenta si Salomo, opat ratus salapan pulu taon dung ditinggalkon bangso Israel Mesir, mamungka ma si Salomo markarejo pajongjong Bagas Ni Debata.

HAGAI 1:7

Songon on ma hata ni Tuhan Na Markuaso, “Pamanat hamu ma dirimunu!”

1 JUJUR TAON 22:19

Jadi, ulang so oloanmunu Tuhan Debatamunu i sian sude roha dohot gogomunu. Pungka hamu ma pajongjong bagas di Debata, anso dipamasuk tusi Poti Parjanjian ni Tuhan dohot sandok parkokas na asing i na nipake di bagasan na mandalankon ibadat.”