HAGAI 1:14 - BIBEL JAMITA NA DENGGAN

¹⁴ Jadi disungguli Tuhan ma tondi ni si Zerubabel, anak ni si Sealtiel pangarajai ni Juda dohot tondi ni Malim Godang Josua, anak ni si Josadak maradu sude tondi ni bangso i, gabe marroan ma halahi mangaradoti karejo di bagas ni Tuhan Na Markuaso, Debata ni halahi i.

HAGAI 1:14 Referans Kwoze

2 JUJUR TAON 36:22

Di taon parjolo mamarenta si Kores raja ni Persia, dipatulus Tuhan ma na nidokNia marhite Panurirang Jeremia. Digorakkon Tuhan ma roha ni si Kores laho mangharuarkon sada parenta na disise di sude harajaannia. Songon on ma hatana:

IBRANI 13:21

Sai dipasingkop Debata mual ni hasonangan i ma hamu di sasude na denggan i na porlu di hamu laho patuluskon hagiot ni rohaNia. Sai dibaen Debata ma di hita sanga aha giot ni rohaNia markite-hite Jesus Kristus. Tarpuji ma Jesus salolot-lolotna! Amen.

HAGAI 2:21

songon on, “Dokkon ma tu si Zerubabel bupati ni Juda songon on, ‘HuturonKu ma langit dohot tano,’

HAGAI 1:1

Di taon paduahon dung bangkit Raja Darius, di ari parjolo di bulan paonomkon, ro ma hata ni Tuhan marhite Panurirang Hagai. Tu si Zerubabel, anak ni si Sealtiel pangarajai di Juda, dohot tu Malim Godang Josua anak ni si Josadak, na mandok,

ESRA 1:5

Dung i markobas mulak ma angka kapala ripe na sian Marga Juda dohot Benyamin, angka malim dohot angka halak Levi maradu sude halak na nigorakkon ni Debata rohana dohot laho mambangun Bagas Ni Tuhan mangulahi.

ESRA 1:1

Di taon parjolo mamarenta si Kores, raja ni Persia, dipatulus Tuhan ma sanga aha na nijanjihonNia marhite Panurirang Jeremia. Disosoi Tuhan ma roha ni si Kores anso diharuarkon ia sada parenta sisisehononkon di sude harajaannia. Songon on ma hatana:

1 JUJUR TAON 5:26

Jadi hara ni i, dipatubu Debata ma tu bagasan roha ni si Pul raja ni Asur, gabe kehe ma ia mamorangi luat i. Laing tarbarita do goar ni si Pul, si Tiglat-Pileser. Jadi gabe dioban ia ma Marga Ruben, Gad dohot Manase na di Habincaran gabe hona taban jana dibuang tu Halah, Habor, Hara dohot tu inganan na di lambung ni Batang aek Gosan. Disi noma halahi maringanan lopus tu sadari on.

HAGAI 2:2

dokkon ma tu si Zerubabel anak ni si Sealtiel, na mamarenta Juda dohot tu Malim Godang Josua anak ni si Josadak dohot tu sude bangso i songon on,

NEHEMIA 4:6

Anggo hami laing hami toruskon do na padenggankon tembok i, jana nada sadia honok nari dung i, sidung ma dipadenggan sude tembok i lopus satonga gincatna, harana marsemangat do antong rayat i na mangharejohon i.

ESRA 5:8

Diarop roha torang di raja i, bahaso na dung kehe hami tu propinsi Juda na hami ida anggo Bagas Ni Tuhan, Debata Na Bolon i, hatiha dibangun ma mangulahi dohot angka batu na godang-godang dohot angka tembok na nilampisan dohot hayu. Manat situtu do dibaen panjama ni karejo i jana lancar do pardalanna.

ESRA 5:2

Umbege tona ni panurirang na dua i, manigor dipungka si Zerubabel anak ni si Sealtiel ma dohot si Josua anak ni si Zosadak mangulahi mambangun Bagas Ni Tuhan na di Jerusalem, diurupi panurirang sidua halak i.

2 KORINTUS 8:16

Tarimakasi do hami dok tu Debata hara ni na dung mangalehen ringgas ni roha tu si Titus gabe songon hami laho mangurupi hamu!

1 KORINTUS 15:58

Hara ni i hamu ale angka dongan na nihaholongan, sai togu ma hamu jana hot. Marsitutu ma markarejo di Tuhan, angke diboto hamu do, sude na nikarejohonmunu di Tuhan, nada sayang boti sudena i.

HAGAI 1:12

Dung i ditangihon si Zerubabel, anak ni si Sealtiel dohot Malim Godang Josua, anak ni si Josadak maradu sude halak Israel ma sora ni Tuhan Debata ni halahi, ditangihon muse dohot hata ni Panurirang Hagai, hombar tu sora ni Tuhan Debata ni halahi tusia, jadi mabiar ma bangso i maradopkon Tuhan.

MASMUR 110:3

Di ari haroromu mardongan kuaso maju ma rayatmu sian na nionjar ni rohana mardongan habadiaan. Songon ombun manyogot-nyogot marroan angka doli-doli mandapotkon ho.

HAGAI 1:15

Mamungka ma halahi markarejo di tanggal dua pulu opat bulan onom di taon paduahon mamarenta Raja Darius.