ESTER 9:4 - BIBEL JAMITA NA DENGGAN

⁴ Sude do halak na di harajaan i mamboto sanga songon dia pangaruh ni si Mordehai di bagas godang jana mur martamba-tamba do kuasonia.

ESTER 9:4 Referans Kwoze

1 JUJUR TAON 11:9

Mur honok mur gogo ma si Daud, hara ni na sun gogo do Tuhan laho mangurupi ia.

2 SAMUEL 3:1

Sai torus do mardalan parporangan antara ni parangan na mampartahankon horong ni si Saul dohot parangan na manyokong si Daud. Mur margogo ma si Daud, tapi mur gale ma anggo alonia i.

ZEPANYA 3:19

Ro do i hatihana ropukkononKu na mamisat hamu, jana halak na tengka paluaonKu; sude halak buangan mulak toguonKu. Muba habilean ni halahi gabe hasangapan; sanga di dia, disandok portibi, marmulia ma halahi jana dipuji.

PODA 4:18

Songon parbincar ni mataniari do anggo dalan na nibolus ni halak na denggan; mur lolot mur torang, jana ujungna ari pe gabe torang sajo.

MASMUR 18:43

Dipalua Ho au sian bangso na durako, dibaen Ho do au raja ni angka bangso. Bangso na so hutanda nahinan, saonnari madung huparhatoban.

MASMUR 1:3

Tarsongon hayu na di topi ni batang aek do ia, na marbatu di hatihana, boti pe nada jungada malos bulungna, mardohar do halahi di na nikarejohonna.

1 JUJUR TAON 14:17

Gabe tarbonggal ma goar ni si Daud sun ro di dia, jana mabiar ma dibaen Tuhan sandok bangso tu si Daud.

1 SAMUEL 2:30

Au Tuhan Debata ni Israel, na dung Hujanjihon do najolo, horongmu dohot margamu do na giot parkobas di Au gabe malim sapanjangna. Tapi saonnari Au mandok, nada Huhagioti be na songon i! Angka na pasangapkon Au do na giot pasangaponKu tapi anggo na palayas Au, palayasonKu do.

JOSUA 6:27

Didongani Tuhan do si Josua, jana tarbonggal situtu ma goar ni si Josua di sandok luat i.

MATEUS 4:24

Tarbonggal do Jesus lalu tu tano Siria sude, gabe bahat ma marroan halak tuSia. Diparobani halak ma angka na marnyae dohot halak na marragam rupa hasusaanna. Adong ma i na hona begu, adong na solpoton, adong na pangpangon. Sude halahi dipamalum Jesus.

JESAYA 9:7

Mur tu godangna do kuasonia, jana tongtong dame harajaannia. Ia ma raja na songon panggonti ni si Daud, marojakan tu hatigoran dohot hasintongan do harajaannia sian mulai saonnari lalu tu salolotna. Angkon tulus sudena i baenon ni Tuhan Na Markuaso i.

ESTER 10:2

Sude pambaenannia na godang jana na jebu i songon i muse barita salaho tu pangangkatnia di si Mordehai gabe pagawe tinggi sudena, tarsurat do i di bagasan Buku Sejarah Ni Angka Raja-raja ni Persia dohot Media.

HARURUAR 11:3

Dibaen Tuhan ma halak Mesir i mabiar mida halak Israel. Si Musa pe gabe halak na sangap situtu ma diida angka menteri dohot sude rayat i.

MASMUR 92:13

Tudos do halahi tu hayu na disuan di Bagas Ni Tuhan, jana manyarmak di Bagas Ni Debatanta;