ESTER 9:29 - BIBEL JAMITA NA DENGGAN

²⁹ Tamba ni i, dibaen si Ester boru ni si Abihail i do surat paduahon rap dohot surat ni si Mordehai i, na pagomoskon surat ni si Mordehai i salaho tu Purim i.

ESTER 9:29 Referans Kwoze

ESTER 9:20

Dung i disuratkon si Mordehai ma sude na masa i jana ditongoskon ia ma surat tu sude halak Jahudi di sude harajaan Persia tu na dao dohot tu na donok pe.

ESTER 2:15

Jadi dapot geleran ma si Ester laho mangadop tu raja i – si Ester boru ni si Abihail jana boru ni uda ni si Mordehai na mangangkat ia gabe anakna sandiri: Sude do halak na mangaligi si Ester manghalomohon ia. Di na kehe ia mangadop tu raja i, marpakean ma si Ester mangihutkon na niatur dohot na nidok ni si Hegai, pangoloi na mangapalai inganan ni dadaboru i.

ESTER 8:10

Diteken si Mordehai do sude surat i di atas goar ni Raja Ahasweros jana dibaen dohot cap ni harajaan. Dung i disuru si Mordehai ma angka utusan na manaruhon angka surat i tu angka propinsi ni harajaan i mamake angka kudo na hipas nampuna ni raja i.

ESTER 3:15

Tibu ma markehean angka suruan na pataruhon surat i tu sude propinsi ni harajaan i. Diparentahon raja i ma anso laing dipabotohon barita i di Susan, kota sabungan ni Persia. Dung salpu i juguk-juguk ma si Haman dohot raja i minum anggur, tapi anggo kota Susan ma pola gaor patunda ni barita i.

ESTER 9:21

Isi ni surat i, i ma parenta anso dirayahon tanggal opat bolas dohot lima bolas bulan Adar ganop taon.

ESTER 9:28

Laing dipahot muse do salolot-lolotna do angkon ingoton Ari Purim i jana dirayahon sandok ripe ni halak Jahudi sian ganop sundut di sude propinsi dohot di sandok kota.