ESTER 9:18 - BIBEL JAMITA NA DENGGAN

¹⁸ Tapi anggo halak Jahudi na di Susan di ari lima bolas dirayahon halahi gabe ari na godang, dibaen madung dibunu halahi musu di tanggal tolu bolas dohot opat bolas jana maradian di tanggal lima bolas.

ESTER 9:18 Referans Kwoze

ESTER 9:21

Isi ni surat i, i ma parenta anso dirayahon tanggal opat bolas dohot lima bolas bulan Adar ganop taon.

ESTER 9:15

Jadi di tanggal opat bolas bulan Adar, marlagut ma halak Jahudi na di Susan mangulahi jana dibunu halahi ma tolu ratus halak nari di kota i. Jana dison pe nada dirampas halahi anggo arta sanga na aha pe.

ESTER 9:13

Dialusi si Ester ma, “Muda lomo roha ni raja i, sugari nian laing dipaloas ma ancogot mangulahi baenon ni halak Jahudi na maringanan di Susan on na nibaen ni halahi sadari on. Sada muse, digantung ma nian bangke ni angka anak ni si Haman i di angka tiang gantungan.”

ESTER 9:1

Ujungna dapot ma tanggal tolu bolas bulan Adar, i ma di ari na ditotopkon laho patuluskon parenta ni raja i tu halak Jahudi. Madung intean hian angka musu ni bangso Jahudi i laho mangkuasoi bangso i. Hapengani halak Jahudi do na manaluhon halahi.

ESTER 9:11

Laing di na sadari i dilapurkon halak ma tu raja i bahat ni angka jolma na hona bunu di kota Susan.

ESTER 8:11

Dipaboa di angka surat i bahaso na bolas do halak Jahudi di sude kota laho marsada dohot mambela dirina. Muda hona serang halahi dibaen angka halak na marsinjata sian bangso sanga propinsi dia pe jadi, tola do halahi mangalosa dohot mambunu angka na mangaroro i bope dadaboruna dohot dakdanakna; tola do sambolon ni halahi angka musu i lopus abis dohot mangarampas sinadonganna.

ESTER 9:2

Marlagut ma halak Jahudi di ganop kota jana marsada laho mangalo sude halak na marroha jahat tu halahi. Mabiar be ma angka bangso sanga na di dia pe tu halahi gabe umpe adong sada halak pe na barani mangadopi halahi.