ESTER 9:1 - BIBEL JAMITA NA DENGGAN

¹ Ujungna dapot ma tanggal tolu bolas bulan Adar, i ma di ari na ditotopkon laho patuluskon parenta ni raja i tu halak Jahudi. Madung intean hian angka musu ni bangso Jahudi i laho mangkuasoi bangso i. Hapengani halak Jahudi do na manaluhon halahi.

ESTER 9:1 Referans Kwoze

ESTER 8:12

Angkon didalankon do parenta i di sude harajaan Persia di ari na dung ditontuhon si Haman laho mamunu angka halak Jahudi, i ma di tanggal tolu bolas bulan dua bolas, bulan Adar.

HALUMBAAN 11:18

Madung muruk do angka bangso, tapi madung ro haririmasMu, dohot hatiha anso ni uhum halak na mate i. Dung i anso dilehen Ho upa di angka naposoMu, i ma angka panurirang, di angka na badia dohot angka na manghabiari goarMu, angka na menek dohot na magodang, jana segohononMu ma angka na manyego-nyego tano on.”

MASMUR 30:11

Dipauba Ho hadangolanku gabe tortor siriaon digonti Ho hamarsahanku dohot hamogaon.

BAENON NI ANGKA RASUL 12:11

Dung i pe anso tarhalak si Petrus jana diboto ia ma aha na tarjadi i tusia, gabe didok ia ma, “Saonnari pe anso tangkas huboto na tutu situtu do hape ditongos Tuhan i surusuruanNia paluahon au sian kuaso ni Raja Herodes dohot sian sasude na giot baenon ni halak Jahudi i tu au.”

ESTER 9:17

Di tanggal tolu bolas bulan Adar ma i tarjadi. Ancogotna i di tanggal opat bolas, nada dibunu halahi be sanga na ise pe, tapi marpesta ma halahi di ari i marmoga-moga.

ESTER 3:7

Di taon padua bolaskon mamarenta Raja Ahasweros di bulan sada, i ma bulan Nisan, disuru si Haman ma mambaen undi na margoar “purim” laho mamboto sanga ari dohot bulan dia na tumbuk laho palaluhon nietnia na jahat i. Jadi gabe ditontuhon ma tanggal tolu bolas bulan dua bolas, i ma bulan Adar.

2 SAMUEL 22:41

Maporus sian au dibaen Ho musungku, huabiskon sude na manghagigihon au.

PANGARATAION 32:36

Paluaon ni Tuhan ma bangsoNa, jana haholonganNia angka naposoNa, muda diida Ia halahi gale-gale, jana abis gogona sude.

ESTER 8:6

Dia ma he lobas au paida-ida bangsongku dohot koum sisolkotku abis dibunu?”

MASMUR 18:40

Dibaen Ho do musungki maporus sian au, hubunu halak na magigi mida au.