ESTER 7:7 - BIBEL JAMITA NA DENGGAN

⁷ Sun ma muruk ni raja i, lalu jongjong manadingkon meja jana kehe mardalan tu ruar tu kobun ni bagas godang i. Madung mamoto si Haman bahaso na dung dibuat raja i haputusan laho manguhum ia, jadi gabe laing tongtong ma ia disi rap dohot Ratu Ester laho mangidohon anso dipalua.

ESTER 7:7 Referans Kwoze

PODA 19:12

Songon parngaur ni singa do parmuruk ni raja; tapi songon nambur tu suan-suanan do haburjuonna.

ESTER 1:12

Tapi di na nipalalu ni angka pangoloi i parenta ni raja i tu Ratu Wasti, nada ra Ratu i ro. Jadi gabe sun ma muruk ni raja i.

HALUMBAAN 3:9

Ligi ma! Huboan ma tu hamu angka halak sian punguan ni Sibolis, angka na manggoari dirina halak Jahudi, hape nada tutu nian, pargabus do halahi. Baenonku ma halahi marsinggang di jolo ni patmu, jana botoon ni halahi ma na holong do rohangKu mida hamu.

DANIEL 3:19

Jadi gilap ma roha ni Raja Nebukadnesar maradopkon si Sadrakh, si Mesakh dohot si Abednego, jana marrarai bohina. Diparentahon ia ma anso dibaen purunan api na ummilas pitu lompit sian na somal.

JESAYA 60:14

Ro ma angka dakdanak ni na mamparkanciti ho marsomba tu jolomu na dung jungada mangalayasi ho mamparsangapi jana tunduk, ‘Sion, Kota Ni Debata Na Badia ni Israel’, ‘Kota Ni Tuhan’, songon i ma ho nigoaran.

PODA 14:19

Tunduk do halak na jahat tu halak na tigor marroha, laho mangido anso ibo nian rohana.

MASMUR 112:10

Diida halak na jahat ma i jana milas rohana, patungaripon halahi hara ni sogo ni rohana. Gabe mago ma halahi nada adong be arop ni roha sapanjangna di halahi.

1 SAMUEL 25:17

Antong ditimbang nyonya i ma pangalaho on, jana diputuskon hamu ma sanga aha na tarpatupa hamu. Angke ro ma halahi mamaloskon tu tuan i dohot tu sude pangisi ni bagasna. Songon i ma jogal ni roha ni tuan i, na so ra do manangihon sanga na ise pe!”

1 SAMUEL 20:9

Dialusi si Jonatan ma, “Ulang pola ganggu rohamu disi! Muda dung torang do huboto na dung putus roha ni amanta laho mangago ho, torang do i paboaonku tu ho.”

1 SAMUEL 20:7

Muda didok amanta, ‘Denggan,’ gabe malua ma au, tapi muda gabe muruk do ia, botoonmu ma disi na dung mambaen haputusan amanta laho mangago au.

ESTER 1:5

Dung salpu i dibaen ia muse ma pesta mangulahi di sude rayat na di Susan, di na kayo bope na pogos. Saminggu lolotna mardalan horja i jana di alaman ni bagas godang ni raja ma ingananna.

ESTER 7:10

Songon i ma si Haman digantung di tiang na nipajongjongnia i baen di si Mordehai. Dung salpu pe i anso mombun rimas ni raja i.

PODA 14:35

Pagawe na malo dihasonangkon roha ni raja; tapi hona uhumna do na pailahon ia.

PODA 16:14

Halak na marroha diparayak do pasonang roha ni raja; muda muruk raja, ra do adong na mate hona uhumna.