ESTER 6:13 - BIBEL JAMITA NA DENGGAN

¹³ Dicaritohon ia ma tu dadaborunia dohot angka dongannia na nitaonnia i. Dung i didok dadaborunia dohot angka dongannia na malo-malo i ma, “Ma mamungka gumale gogomu sian si Mordehai. Halak Jahudi do bayo i jana indangkan na taralo ho i. Pasti taluhononnia ho.”

ESTER 6:13 Referans Kwoze

PODA 28:18

Martua do di ngoluna halak na tigor madabu do ompot halak na so tigor.

HOSEA 14:9

Efraim, aha dope he lakna hubunganKu dohot angka gana-ganaan? Au do na mangalusi dohot na mamparate-atehon ho! Songon hayu sanobar na rata do Au, sian Au ma ho mandapot parbatuna.”

PAMUNGKAAN 41:8

Jadi dung torang ari, marsak ma da roha ni raja i, gabe disuru ia ma anso dipio sude datu parelmu dohot halak na pistar na adong di Mesir. Jadi dipaboa ia ma nipinia i tu halahi; tapi sahalak pe nada adong na tarbaen patorangkon astuanna.

PAMUNGKAAN 40:19

Di bagasan tolu ari on, suruon ni raja i ma halak mamonggol ulumi jana gantungkononna ma pamatangmu di sada tiang, anso dipapangani angka unggas.”

DANIEL 2:12

Umbege i gabe muruk sajo ma raja i jana diparentahon ia ma anso dibunu sude angka halak na malo-malo na adong di Babel.

JOB 15:24

Songon raja godang do da parmaraan, na dung singkop giot manyolgap.

PAMUNGKAAN 24:66

Dung i dicaritohon hatoban i ma tu si Ishak sude na dung nidalankonnia.

BILANGAN 24:9

Anggo bangso Israel i na gogo do tarsongon singa, ise muse ma he na puluk mangganggusa andigan disia hatiha maradian? Sanga ise mamasumasu halak Israel, ia pe dipasupasu barang ise na mamurai Israel, ia pe hona bura.”

PANGARATAION 32:10

Dapot Ia halahi hatiha diparedang-edangan, di na lungun boti na harsang di halongonan. Dipahan Ia halahi antong jana diondihon Ia, songon na manjagohon di diriNa.

MASMUR 105:15

“Ulang ganggu hamu bangso pilianKu, ulang hahua hamu angka panurirangKu!”

ZAKARIA 2:12

Sanoli nari gabe nampuna hapunjungan ni Tuhan ma Juda di tanoNia na badia i, jana Jerusalem gabe kota na sumurung dihaholongi Ia.