ESTER 5:3 - BIBEL JAMITA NA DENGGAN

³ Dung i marsapa ma raja i, “Aha do ulaning, na diharohon ni boru ni raja i? Aha do giotmu? Dokkon ma! Haru pe satonga sian harajaanku dipangido ho, sai na lehenonku ma i.”

ESTER 5:3 Referans Kwoze

MARKUS 6:23

Marsumpa ma si Herodes tu anak boru i, ning ia, “Marjanji ma au, lehenonku ma di ho sanga aha na nipangidomu. Sugari harajaanku pe dipangido ho satonga, lehenonku ma i!”

ESTER 7:2

Lalu-lalu minum anggur, marsapa ma raja i mangulahi tu si Ester, “Iabo, di Namora i, aha do ulaning por ni rohamu? Dokkon ma da! Pasti do lehenonku haru pe dipangido ho satonga sian harajaanku.”

ESTER 9:12

Didok raja i ma tu Ratu Ester, “Hum di kota Susan sajo ma lima ratus halak dibunu halak Jahudi, dohot ma i anak ni si Haman na sampulu halak i. Mur ma di angka propinsi! Nada binoto be i, sanga na aha dipambaeni halahi disi! Aha dope na nipangidomu saonnari? Dokkon ma, pasti dapot ho ma i!”

ESTER 5:6

Di hatiha na minum anggur marsapa ma raja i, “Saonnari paboa ma sanga aha giot ni rohamu. Sanga aha pe na nipangidomu hulehen pe, haru pe satonga sian harajaanku.”

1 RAJA-RAJA 3:5

Borngin i dipataridahon Tuhan ma diriNa tusia di bagasan nipi jana manyapai, “Aha do dipangido rohamu lehenonKu tu ho?”

1 RAJA-RAJA 2:20

Dung i mangkuling ma si Batseba, “Adong sada pangalaho na menek giot pangidoonku sian ho, huarop ulang tulak au.” “Aha ma i inang?” ning si Salomo manyapai. “Nada pola hutulak.”

LUKAS 18:41

“Aha ma he giotmu baenonKu tu ho?” Dialusi bayo na mapitung i ma, “Giotku, sugari marnida ma au nian Amang.”

ESTER 5:4

Dialusi si Ester ma, “Muda tumbuk do di roha ni raja i, sugari nian di borngin on ro ma raja i dohot si Haman tu parjamuan na hupatupa di raja i.”

NEHEMIA 2:4

Marsapa ma raja i, “Antong, aha do giotmu?” Martangiang ma au di bagasan rohangku tu Debata na markuaso di banua ginjang i,

BAENON NI ANGKA RASUL 23:19

Ditogu komandan i ma tangan ni doli-doli i, kehe ma halahi na dua tu topi-topi, disapai ia ma disi, “Aha do na giot sipaboaonmi tu au?”