ESTER 5:14 - BIBEL JAMITA NA DENGGAN

¹⁴ Umbege i gabe diusulkon dadaborunia i ma dohot angka dongannia i songon on, “Anggo suru sajo pe mambaen tiang gantungan gincatna dua pulu dua meter. Dung i ancogotna i pangido ma isin sian raja i laho manggantungkon si Mordehai tu tiang i. Anggo dung songon i, tarbaen ho ma sonang rohamu kehe tu parjamuan i.” Denggan sajo ma antong usul i dipikiri si Haman, jadi manigor disuru ia ma mambaen tiang gantungan i.

ESTER 5:14 Referans Kwoze

ESTER 6:4

Jadi mangkuling ma raja i, “Ise do sian angka pagawengku saonnari na adong di bagasan bagas godang?” Topet na baru masuk dope si Haman tu alaman na di bagasan bagas godang i; na laho mangido isin do ia tu raja i laho manggantung si Mordehai di tiang na dung dipajongjongnia i.

MASMUR 37:32

Anggo parjahat sai na mangintip do i tu halak na denggan, jana manjalahi haputusan laho mamunusa.

MASMUR 37:14

Manyintak podang parjahat i jana manarik sior laho mamunu na pogos dohot na dangol, laho pamatehon halak parroha sisangunjur.

1 RAJA-RAJA 21:7

“Raja do ho!” ning si Isebel. “Ngot ma ho anso mangan. Pasonang ma rohamu, harana hulehen pe di ho kobun anggur ni si Nabot i!”

HALUMBAAN 11:10

Marjop ni roha ma halak na mangingani tano on hara ni parmate ni saksi na dua halak i. Marpesta ma halahi jana marsitongosan silua, angke madung bahat hasusaan na ro tu jolma manusia dibaen panurirang sidua halak i.

SURAT NI SI PAULUS TU PARLAGUTAN ROM 3:15

Sai songon na mopop do pangalangka ni halahi muda giot manduruskon mudar.

SURAT NI SI PAULUS TU PARLAGUTAN ROM 1:32

Diboto halahi do nian angkon mate hona uhum do halak na songon i mangihutkon uhum na sian Debata, tapi haru songon i pe laing dipambaeni halahi do pangalaho na songon i; jana jop muse do roha ni halahi muda adong sanga ise na mambaen songon i.

PODA 4:16

Nada tarpodom halak na jahat anggo so jolo mambaen na so ture. Nada ra halahi mondohondok anggo so jolo mangago halak na asing.

PODA 1:18

hape anggo angka halak na jahat i, suhar-suhar ni i do. Dihuar halahi do lubang, jana halahi sandiri do na runcur tu bagasan lubang i.

MASMUR 9:15

Angka bangso na so mananda Ho angkon madabu tu lubang na nihuar ni halahi do. Tu jaring na nitaon ni halahi sandiri Ho mambaen tarjorat halahi.

1 RAJA-RAJA 21:25

Nada jungada adong halak na songon si Ahab situtu ni rohana mambaen na jahat di adopan ni Tuhan. Hara ni panyosoi ni si Isebel na nibuatnia i ma sudena hajahatan i dibaen ia.

2 SAMUEL 16:21

Dialusi si Ahitofel ma, “Kehe ma raja i mandapotkon angka rading na nitadingkon ni amang ni raja i manjago bagas godang i, jana rap modom ma dohot halahi. Jadi gabe botoon ni Israel ma sude marhite pangalaho i, na dung dietong ni amanta hamu do musuna raja i. Jadi gabe mur barani ma sude angka na mangihut tu daulat i.”