ESTER 5:1 - BIBEL JAMITA NA DENGGAN

¹ Di ari patoluhon si Ester na puaso i, dipake ia ma pakean ratunia, lalu kehe ma ia tu alaman na di bagasan bagas godang i jana jongjong ma ia di jolo ni pintu ni balerongna i. Topet do juguk raja i di ginjang ni habangsa na mangadop tu pintu i.

ESTER 5:1 Referans Kwoze

HALUMBAAN 3:21

Di na monang i ma lehenonKu anso juguk ia rap dohot Au di habangsangKi, laing songon Au na monang jana na juguk rap dohot Damang di habangsaNia i.

ESTER 6:4

Jadi mangkuling ma raja i, “Ise do sian angka pagawengku saonnari na adong di bagasan bagas godang?” Topet na baru masuk dope si Haman tu alaman na di bagasan bagas godang i; na laho mangido isin do ia tu raja i laho manggantung si Mordehai di tiang na dung dipajongjongnia i.

ESTER 4:16

“Palagut ma sude halak Jahudi na di Susan anso martangiang salaho tu au. Ulang ma hamu mangan tolu ari tolu borngin lolotna. Au sandiri pe dohot angka bujing-bujing na mangoloi au laing puaso do. Dung sidung i, mangadop ma au tu raja i, haru pe mangalanggar undang-undang do i. Muda angkon mate ma au hara ni i, padiar ma mate au tusi!”

ESTER 4:11

“Ganop halak na ro mangadop tu raja di alaman na di bagasan bagas godang i, halaklahi sanga dadaboru na so dipiohon, angkon mate hona uhum. Undang-undang do i jana sude halak mamungka sian panuturi ni raja lopus tu rayat na di angka propinsi, sude do umboto i. Hum sada sajo ma dalan anso malua sian undang-undang i, i ma muda disurduhon raja i tungkot serenia tu halakna i. Muda tarjadi songon i, malua ma iba. Tapi madung adong sabulan on na so dipiohon raja i au.”

ESTER 8:15

Dung i ditadingkon si Mordehai ma bagas godang i mamake pakean hasangapan na rata langit dohot na bontar, juba ungu na sian linen na halus dohot hampu sere na lobi jeges. Marsurak-surak ma kota Susan marjop ni roha.

LUKAS 22:30

Tola ma hamu rap dohot Au marsonang-sonang di HarajaanKi. Jana juguhanmunu ma dua bolas habangsa laho manguhumi halak Israel sidua bolas marga i.”

MATEUS 27:64

Jadi hara ni i, suru ma halak manjago kuburan i tangkas lalu tu ari patoluhon. Anggo inda songon i, ro ma angka anak siseanNia i manangkosa gabe dohonon ni halahi ma tu halak, ‘Ma mulak mangolu Ia mangulahi.’ Gabe gumodang dope gabus na parpudi on sian na parjolo.”

MATEUS 11:8

Aha do satutuna na giot ligionmunu? Halak na marpakean na jeges do? Anggo angka na marbaju na jeges di bagas godang do i!

MATEUS 10:16

“Parrohahon hamu ma na Hudok on! Husuru do hamu songon biri-biri tu tonga-tonga ni sorigala. Jadi angkon manat do hamu songon ulok tapi ias ma rohamunu songon darapati.

ESTER 1:11

Disuru ia ma halahi maroban tu jolonia Ratu Wasti mamake jarunjung harajaon di ginjang ni uluna. Na jogi situtu antong ratu i, jana na giot patida-tidahon hajogionna i ma raja i tu angka na sangap-sangap dohot tu sude tamunia i.

ESTER 4:17

Jadi kehe ma si Mordehai jana dipatulus ia ma sude na nitonahon ni si Ester i.

ESTER 2:5

Di kota Susan i adong do sada halak Jahudi na margoar si Mordehai anak ni si Jair. Pomparan ni si Kis dohot si Simei na sian Marga Benyamin do ia.