ESTER 2:7 - BIBEL JAMITA NA DENGGAN

⁷ Adong do ibotonia, boru ni udana, sada bujing-bujing na jogi boti na lele si Ester goarna, tapi goarna di hata Ibrani si Hadasa. Anggo simatobang ni si Ester madung jumolo jana gabe songon anak angkat ni si Mordehai ma ia jana dipagodang-godang ma ia songon anak kandungna sandiri.

ESTER 2:7 Referans Kwoze

ESTER 2:15

Jadi dapot geleran ma si Ester laho mangadop tu raja i – si Ester boru ni si Abihail jana boru ni uda ni si Mordehai na mangangkat ia gabe anakna sandiri: Sude do halak na mangaligi si Ester manghalomohon ia. Di na kehe ia mangadop tu raja i, marpakean ma si Ester mangihutkon na niatur dohot na nidok ni si Hegai, pangoloi na mangapalai inganan ni dadaboru i.

EPESUS 6:4

Hamu angka dongan na dung mardakdanak! Ulang ma baen hamu na so patut tu dakdanakmunu anso ulang gabe muruk halahi. Tapi gumonan do ajari hamu halahi di aturan dohot pangajaran ni Tuhan.

2 KORINTUS 6:18

Au ma gabe Ama di hamu, jana gabe anak dohot boru ma hamu di Au, ninna Tuhan Na Markuaso i.”

ESTER 1:11

Disuru ia ma halahi maroban tu jolonia Ratu Wasti mamake jarunjung harajaon di ginjang ni uluna. Na jogi situtu antong ratu i, jana na giot patida-tidahon hajogionna i ma raja i tu angka na sangap-sangap dohot tu sude tamunia i.

PAMUNGKAAN 48:5

Laing didok si Jakob dope, “Ale Josep, ia anakmu si Efraim dohot si Manase na sorang di Mesir on dompak so lalu dope au tuson, au do nampunasa; dakdanakku do halahi na dua dos songon si Ruben dohot si Simeon.

1 JOHANNES 3:1

Ligi ma, sai godang do holong ni roha na nilehen ni Ama i tu hita, ma pola nigoar hita dakdanak ni Debata; jana na tutu do angka dakdanak ni Debata hita. Hara ni i nada ditanda portibi na jahat on hita, harana nada ditanda portibi on Debata.

ESTER 2:20

Anggo si Ester laing na so dipaboa ia dope na boru Jahudi ia, harana dilarang si Mordehai ia. Dioloi si Ester do si Mordehai laing songon di hatiha hamenehannia jana di na nirawat ni anak ni amantuania i ia.

ESTER 8:1

Laing di ari i dilehen Raja Ahasweros ma tu Ratu Ester sandok sinadongan ni si Haman musu godang ni halak Jahudi i. Dipaboa si Ester ma tu raja i bahaso na iboto sian amantuania do si Mordehai. Jadi mamungka sian i dilehen ma hak tu si Mordehai laho mangadop tu raja i so pola jolo dipiohon.

JOB 31:17

Inda unjung hupadiar tangkuraparon na so marama so marina, hape au sandiri tuk do panganonniba.

JOB 31:18

Sian na menek do halahi sai hupature-ture salolot mangolu au, ngolu ni halahi sai hupapade.