ESTER 2:10 - BIBEL JAMITA NA DENGGAN

¹⁰ Hara ni na nipodaan ni si Mordehai, nada dipaboa si Ester bahaso na boru Jahudi ia.

ESTER 2:10 Referans Kwoze

MATEUS 10:16

“Parrohahon hamu ma na Hudok on! Husuru do hamu songon biri-biri tu tonga-tonga ni sorigala. Jadi angkon manat do hamu songon ulok tapi ias ma rohamunu songon darapati.

ESTER 2:20

Anggo si Ester laing na so dipaboa ia dope na boru Jahudi ia, harana dilarang si Mordehai ia. Dioloi si Ester do si Mordehai laing songon di hatiha hamenehannia jana di na nirawat ni anak ni amantuania i ia.

EPESUS 6:1

Hamu angka dakdanak! Dibaen siihutkon Kristus do hamu, oloi hamu ma simatobangmunu, angke songon i do na patut baenonmunu.

ESTER 3:8

Jadi didok si Haman ma tu raja i, “Rajanami, adong do sada bangso na ganjil na marserak di ganop propinsi di harajaan on. Asing situtu do adatna sian angka bangso na deba nari i. Nada patu halahi tu angka aturan ni harajaan on. Jadi, sugari dumenggan nian ulang dipadiar raja i halahi mambaen roha-rohana.

ESTER 7:4

Harana madung targadis au dohot bangsongku laho bunuon. Sugari digadis hami hum na giot baenon hatoban, huhasipkon do i jana nada gangguonku pola raja i. Hape saonnari na giot abiskonon ma hami jana pusaon!”

ESTER 2:7

Adong do ibotonia, boru ni udana, sada bujing-bujing na jogi boti na lele si Ester goarna, tapi goarna di hata Ibrani si Hadasa. Anggo simatobang ni si Ester madung jumolo jana gabe songon anak angkat ni si Mordehai ma ia jana dipagodang-godang ma ia songon anak kandungna sandiri.

ESTER 2:11

Ganop ari mardalan-dalan do si Mordehai di alaman jolo ni inganan ni dadaboru i anso diboto ia pangalaho na masa tu si Ester jana sanga aha na giot tarjadi tusia.

RUT 3:6

Jadi kehe ma si Rut tu inganan ni na markarejo mambanting burir-burirna i. Dipatulus ia ma disi sude na nidok ni namborunia i tusia.