ESTER 1:6 - BIBEL JAMITA NA DENGGAN

⁶ Dihias ma alaman ni bagas godang i dohot tire na sian abit linen na rata langit dohot na bontar na nitambat dohot tali linen na halus jana disangkotkon di golang-golang perak na dibaen di angka tiang marmar. Di toruna i dibaen ma angka podom-podoman sian sere dohot perak di ginjang ni lante na dipajeges dohot marmar na bontar, hablur na rara, lampak ni mutiara na manyirlak dohot batu pirus na balau.

ESTER 1:6 Referans Kwoze

AMOS 6:4

Marjaya ma hamu na modom di podoman na jeges-jeges jana na marpesta mardongan juhut ni lombu dohot biri-biri jara-jara!

JEHESKIEL 23:41

Dung i juguk ma halahi di ginjang ni podoman na jeges. Adong ma meja di jolo ni halahi dohot angka sipanganon na tabo; songon i muse dupa dohot miak zetun na Hulehen di halahi.

AMOS 2:8

Di sude inganan paribadatan, marmodoman jolma disi mamake baju na nibuat ni halahi gabe jaminan ni utang ni halak na pogos. Di Bagas Ni Debata, diinum halahi do anggur na nibuat ni halahi sian halak na marutang tu halahi.

ESTER 7:8

Mandele ma si Haman didabuhon ia ma dirinia tu ginjang ni podom-podoman ni si Ester laho mangido ampun, tapi laing topet muse ma disi mulak raja i sian kobun ni bagas godang i. Marnida si Haman songon i, marsurak ma raja i, “Aha? Laing barani dope antong bayo on mambaen na so ture tu ratu i dison, di jolongku jana di bagas godangku sandiri?” Disi didokkon raja i hata i, marroan ma angka pangoloi lalu manutupi ulu ni si Haman.

ESTER 8:15

Dung i ditadingkon si Mordehai ma bagas godang i mamake pakean hasangapan na rata langit dohot na bontar, juba ungu na sian linen na halus dohot hampu sere na lobi jeges. Marsurak-surak ma kota Susan marjop ni roha.

HARURUAR 26:1

“Angkon baenonmu do Bandar ParmiananKi sian abit linen na halus. Angkon baenonmu do sampulu tenda di Bandar Parmianan i sian abit linen na halus, na ditonun sian wol na rata langit, na bunga torung dohot na rara. Sulamkon ma tusi gambar ni angka kerub.

1 SAMUEL 28:23

Dijua si Saul do i jana didok ia na so ra ia mangan. Tapi dung sai disosoi angka naposonia i sude, dioloi ia ma. Jongjong ma ia sian tano i jana juguk di podoman.

AMOS 3:12

Songon on do didok Tuhan, “Songon sada halak parmahan na paluahon dua pat sanga sabariba pinggol ni biri-biri sian baba ni singa, songon i ma halak Samaria i giot paluaon, saotik sajo noma na tading.”