ESRA 1:3 - BIBEL JAMITA NA DENGGAN

³ Sai dijagohon Debata ma hamu sude na gabe bangsoNia. Angkon mulak noma hamu tu Jerusalem jana bangunonmunu mangulahi Bagas Ni Tuhan, Debata ni Israel, Debata na disomba di Jerusalem.

ESRA 1:3 Referans Kwoze

DANIEL 6:26

Dung i ditongos Raja Darius ma surat tu angka jolma sian sandok bangso, marga ni bangso dohot hata na marragam-ragam na di tano on sudena. Ninna ma, “Sai martamba ma di hamu rasoki!

JEREMIA 10:10

Hape Ho do ale Tuhan, Debata na tutu, Raja na Hot, Debata Silehen ngolu. Muda jabat muruk Ho, gumalusak do tano, muda tarrimas Ho nada manahan angka bangso. (

BAENON NI ANGKA RASUL 10:36

Hamu ale angka dongan, tontu madung diboto hamu isi ni jamita na nipabolkas ni Debata tu halak Israel. Jamita Na Denggan do barita i na paboahon dame markite-hite Jesus Kristus, i ma Tuhan ni sude jolma.

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

JESAYA 45:5

Au do Tuhan, nada adong na asing, sasada Au do Debata. Madung Huparsinjatai ho, haru pe goarKu laing so diboto ho.

JOSUA 1:9

Ingot, madung Huparentahon tu ho anso marpos ni roha situtu ho! Ulang ho mabiar sanga hurang semangat, angke Au Tuhan Debatamu, sai na dongananKu do ho sanga na tu dia pe ho kehe.”

PANGARATAION 32:31

Diboto musu ni Israel sandiri do na so margogo debatana i, nada alona Debata ni Israel na hebat i.

DANIEL 2:47

Didok raja i ma, “Tutu do Daniel, gumodang do Debatami sian sandok debata. Guru diSia do sude raja, jana na margogo mambuka rahasia. Huboto pe na songon i, hara ni na bisa do ho patorangkon astuan ni rahasia on.”

MASMUR 83:18

Anso diboto halahi hum Ho do Tuhan Na Gumincat, Tuhan, na mangarajai sandok portibi.

1 JUJUR TAON 28:20

Dung salpu i didok Raja Daud ma muse tu si Salomo anakna i, “Ulang ho mabiar, pos ma rohamu. Pungka ma karejo i jana ulang ho gamang sanga na maradopkon aha pe. Urupan ni Tuhan Debata na husomba i do ho. Nada tadingkononNia ho. Sai na dongananNia do ho lopus sidung dibaen ho sude karejo i.

1 RAJA-RAJA 8:23

lalu martangiang, “Ale Tuhan Debata ni Israel, di langit dohot di tano on, nada adong debata na songon Ho. Dipatulus Ho do janjiMu jana dipatidahon Ho do holongMu tu sude bangsoMu na sai burju jana mangoloi tu Ho sian nasa rohana.

1 RAJA-RAJA 18:39

Disi diida rayat i pangalaho i, tungkap ma halahi tu tano lalu didok halahi ma, “Tuhan do Debata; Tuhan i do na tutu Debata!”

ESRA 1:4

Ampot adong sian bangsoNia di inganan habuangan on na mamorluhon bantuan anso tarbaensa mulak, angkon lehenon ni angka hombar bagasna do bantuan i. Angkon lehenon ni halahi do tusia perak dohot sere, balanjo di dalan maradu pahan-pahanan sibobanan songon i muse angka sihaulkonon baen tu Bagas Ni Tuhan di Jerusalem.”

ESRA 5:3

Tapi manigor ro ma tu Jerusalem si Tatnai gubernur ni propinsi Efrat Hasundutan rap dohot si Setar Bosnai dohot angka dongan ni halahi manyapai tu angka halak Jahudi, “Ise marsuru hamu mambangun dohot mangkobasi Bagas Paribadatan on?”

JESAYA 37:16

“O Tuhan Na Markuaso, Debata ni Israel, na maringanan di ginjang ni angka mahluk na marhabong, hum sasada Ho do Debata na mamarenta di sude harajaan na adong di sisik ni tano on. Ho do na manompa langit dohot tano.

ESRA 4:3

Tapi dialusi si Zerubabel, si Josua dohot kapala ni horong-horong i ma, “Nada porlu di hami bantuanmunu laho mambangun Bagas di Tuhan Debatanami. Hami sandiri do giot mambangun i hombar tu na niparentahon ni si Kores, raja ni Persia i tu hami.”

ESRA 5:13

Dung i si Kores ma na gabe raja ni Babel jana di taon na parjolo ia mamarenta, diharuarkon ia ma parenta laho mambangun Bagas Ni Tuhan i mangulahi.

ESRA 6:7

jana ulang halang-halangi hamu pambangunan ni Bagas Paribadatan ni halahi. Padiar hamu ma gubernur ni Juda dohot angka pamimpin ni Jahudi i mambangun Bagas i mangulahi.

MASMUR 132:13

Dibaen madung dipili Tuhan Sion; giot ni rohaNia maringanan Ia disi.

JESAYA 44:28

Au do na mandokkon taringot tu si Kores: ‘Ia do siparmahanKu, sandok hagiotKu giot patulusonnia, na mandok taringot tu Jerusalem: Padiar ma ia dipajongjong, jana taringot tu Bagas Na Badia: Padiar ma dipayakkon batu ojahanna!’ ”