DANIEL 9:24 - BIBEL JAMITA NA DENGGAN

²⁴ Pitu noli pitu pulu taon, i ma hatiha na ditontuhon ni Debata laho paluahon bangsomu dohot kotamu na badia i sian dosa dohot hajahatan. Ampunan noma sude jana pahoton hatigoran na manongtong, lopus gabe tulus tarjadi parnidaan i, jana Bagas Ni Tuhan na badia i pasahaton ma mangulahi tu Tuhan i.

DANIEL 9:24 Referans Kwoze

SURAT NI SI PAULUS TU PARLAGUTAN ROM 5:10

Harana muda hatiha musu dope hita, dipadame hita dohot Debata markite hamamate ni AnakNia, tarlumobi hita na saonnari na dung dipadame, pasti do angkon dipalua markite ngoluNia.

JESAYA 61:1

Dirajai Tondi Ni Tuhan Debata i ma au; dipili jana disuru Ia au, laho maroban jamita na denggan tu halak na pogos dohot na lebak, jana pamalumkon halak na magopu rohana; laho pabotohon tu halak tahanan paboa na tibu noma halahi dapotan haluaan, dohot tu angka jolma na di hurungan bahaso halahi na dung mardeka.

BILANGAN 14:34

Angkon taononmu ma panginona ni dosamunu opat pulu taon lolotna, sataon gonti ni sadari sian na opat pulu ari hamu mangaliati tano i. Botoonmunu sanga na bia daina, muda Au mangalo hamu!

HAMALIMON 25:8

Etong ma pitu noli pitu taon gabe opat pulu sambilan taon

BAENON NI ANGKA RASUL 3:22

Angke jungada do didok si Musa, ‘Suruhonon ni Tuhan Debatamunu do tu hamu sada panurirang sian bangsomunu sandiri songon parsuruNia di au. Angkon tangihononmunu do sude na nidok ni panurirang i tu hamu.

JESAYA 56:1

Didok Tuhan ma tu bangsoNia i, “Patulus hamu ma sanga aha na tigor jana na tumbuk tu hagiotKu, angke ro ne ma Au paluahon hamu.

JESAYA 51:6

Tatap ma tu langit, tailihon ma tu tano, mago ma langit i songon timus. Buruk do tano on songon abit, mate sude na mangingani i songon rongit. Tapi anggo haluaan na Hulehen i, hot do salolotna, hamonanganKu nada adong ujungna.

MASMUR 2:6

Ning Ia ma, “Di Sion, dolokKu na badia i madung Hupabangkit raja na Hupili i.”

JESAYA 51:8

Mago do halahi jana gabe sisoada, songon pakean na dipangan ngitngit. Tapi anggo haluaan na Hulehen, hot do i salolotna, hamonanganKu hot do i sian pomparan tu pomparan.”

MASMUR 45:7

Dihaholongi raja i do na tigor jana manghasogohon na jat, hara ni i ma umbaen na raja i ditodo Debata. Dipasuksuk Ia tua di raja i manyalpui angka raja na asing i.

HALUMBAAN 14:6

Dung i huida ma sada surusuruan na asing habang gincat di langit. Dioban surusuruan i do barita taringot tu Jamita Na Denggan na manongtong i sipalaluon tu jolma na di tano on; i ma tu sude bangso, marga, bahasa dohot negara.

IBRANI 2:17

Jadi astuanna, angkon sarupa do Ia dohot halahi di sude pangalaho. Jadi dung songon i tarbaen Ia ma diriNia gabe Malim Godang ni halahi, na burju jana na maribo ni roha di na nioloanNia Debata laho manyesa angka dosa ni halahi.

JEHESKIEL 4:6

Dung salpu i, manjorbing tu siamun ma ho jana hilala ma uhuman hara ni hasalaan ni Juda, opat pulu ari honokna sadari, i ma gambaran ni sataon uhuman tu halahi.

HALUMBAAN 3:7

“Tu surusuruan ni parlagutan na di Piladelpia, songon on ma suratkon: On ma barita sian Na Badia jana Na Tigor i. I ma sitiop kunci ni si Daud; muda dibuka Ia, nada adong sahalak pe na tarbaen manutupsa, jana muda ditutup Ia nada tarbuka sanga ise be i.

IBRANI 9:26

Harana muda songon i do, gabe marpupu do Ia manaon parkancitan mamungka sian dung ditompa portibi on. Hape anggo satutuna, saonnari di hatiha na giot marujung on, hum sanoli sajo do Ia ro laho manyesa dosa markite-hite na mangalehen diriNa sandiri.

1 KORINTUS 1:30

Hara ni na nibaen ni Debata sandiri do umbaen na gabe mardomu hamu dohot Kristus Jesus. Na nilehen ni Debata do Kristus tu hita, anso marguru tu Kristus hamaloanta. Angke Kristus do na padenggankon hita mangulahi dohot Debata. Laing Kristus do na papitahon hita anso gabe bangso na polin hita di Debata. Kristus muse do na paluahon hita.

JOHANNES 3:34

Sanga ise na nisuru ni Debata, barita sian Debata do dioban Ia, harana madung dilehen Debata TondiNia i, nada hasuhatan bahatna.

2 JUJUR TAON 29:24

Dung salpu i disambol ma angka hambeng i jana mudarna i diduruskon ma di langgatan i gabe haul pangampuni ni dosa ni sude rayat i. Dibaen halahi ma songon i hara ni na niparentahon ni raja i anso baenon haul situtungon dohot haul pangampuni ni dosa di sude rayat ni Israel.

1 JOHANNES 3:8

Tapi sanga ise halak na sai torus mambaen dosa, anak ni Sibolis do i, angke na sai mardosa do Sibolis i sian mula ni mulana. Na giot manyegohon karejo ni Sibolis i do umbaen na ro Anak Ni Debata tu portibi on.

2 PETRUS 1:1

Sian si Simon Petrus, naposo jana rasul ni Jesus Kristus, tu angka na rap dohot hami manjagit haporsayaan i markite-hite hatigoran ni Debatanta dohot Sipalua hita, Jesus Kristus.

IBRANI 10:14

Jadi sian haul na sada i, gabe sanggam ma dibaen Kristus sudena halak na nipaias sian dosana salolot-lolotna.

IBRANI 7:26

Jadi Jesus i do Malim Godang na porlu di hita. Na badia do Ia; nada adong dapot disi hasalaan sanga dosa aha pe. Madung disirang Ia sian angka jolma pardosa jana dipanaek lopus tu inganan na gumincat sian langit.

KOLOSSE 2:14

jana disoadahon Ia sude surat utang maradopkon hita, i ma na mangancam hita dohot angka sarat na borat. Di na niparsilangkon surat i di hayu parsilang i, disesa Debata ma sudena utang na tu hita i.

KOLOSSE 1:20

Jana markite-hite Anak i muse do dibaen Debata sasudena mardenggan mangulahi dohot Debata – sasudena na di tano on, sanga pe na adong di banua ginjang. Markite-hite hamamate ni AnakNia di hayu parsilang i do dibaen Debata sudena i.

BAENON NI ANGKA RASUL 3:14

Ditulak hamunu do Na Badia jana Na Tigor i, jana dipangido hamunu do anso dipalua sibunu jolma i.

JOHANNES 1:41

Manigor diompoti si Andreas ma manjalahi si Simon angkangna i jana didok ia ma tu si Simon, “Madung marsuo hami dohot Mesias i!” (Mesias astuanna Kristus.)

LUKAS 1:35

Dialusi surusuruan i ma, “Tondi Parbadia do mangarajai ho jana kuaso ni Debata ma manggohi ho. Hara ni i ma da umbaen nigoaran Dakdanak i na Badia i, Anak Ni Debata.

MARKUS 1:24

“Na giot mambaen bia do Ho tu hami, o Jesus halak Nasaret? Betak na giot mamatehon hami do Ho? Hutanda do sanga ise Ho: Suruan na badia ni Debata do Ho!”

MATEUS 11:13

Sude Tona na nilehen ni si Musa dohot angka panurirang sian narobi lalu tu haroro ni si Johannes, sudena i na paboahon taringot tu angka na giot tarjadi do.

MATEUS 1:21

Sorang ma sian ia sada anak halaklahi, angkon Jesus do baenonmu goar ni Dakdanak i. Harana, giot paluaonNia ma bangsoNa sian angka dosa ni halahi be.”

JEHESKIEL 28:12

“Ale anak ni jolma, andungi ma raja ni Tirus. Palalu ma sanga aha na Hudok, Au Tuhan Debata mandok tusia, ‘Jungada do ho gabe gambaran ni na sanggam, najolo, i noma pistarmu dohot tongammu!

ANDUNG 4:22

Madung didalani Sion uhumanna hara ni angka dosa na nibaenna; saonnari nada be hami padiaron ni Tuhan jana nada be obanonNa tu bagasan habuangan. Tapi anggo ho ale Edom, uhuman ni Tuhan noma ho. Ungkapon noma angka dosamu.

HAMALIMON 8:15

Disambol si Musa ma lombu i, dibuat ia deba mudarna, didaiskon ia ma mudar ni lombu i dohot jari-jari ni tangannia tu angka tanduk na di suhi-suhi ni langgatan i, anso gabe Debata nampuna langgatan i. Disaburkon ia ma mudar na lobi i tu ojahan ni langgatan i. Songon i ma pangalahona paias langgatan i mangihutkon ugamo sipasahaton tu Tuhan.

PILIPPI 3:9

jana tutu mardomu dohot Ia. Hadengganan dohot Debata nada be huusahohon sandiri dohot dalan pangoloion tu angka Tona ni ugamo. Denggan pe pardomuanku saonnari dohot Debata, hara ni na huhaporsayai do Kristus. Jadi, sian Debata do haroroan ni pardomuan na denggan i, jana marojahan ma i di haporsayaan tu Jesus Kristus.

MATEUS 4:5

Dung i dioban Sibolis i ma Jesus tu Kota Na Badia. Dibaen ma Ia tu bungkulan ni Bagas Ni Debata.

LUKAS 21:22

Angke anggo angka ari i, i ma, ‘Angka ari pamaloson.’ Jadi di na songon i ma tulus sanga aha na dung tarsurat di Buku Na Badia i.

BAENON NI ANGKA RASUL 4:26

Markobas do angka raja ni tano on laho marporang, jana satahi angka pamimpin laho mangalo Tuhan jana Na NimiahanNia.’

JEHESKIEL 4:5

Anggo Au madung Hubuhul tu ho angka taon hajahaton ni halahi lolotna 390 ari tanggungonmu hajahaton ni pinompar ni Israel.

ZAKARIA 4:14

Jadi didok ia ma, “I ma dua halak na nipili, na jongjong di adopan ni Tuhan ni sandok tano on.”

JESAYA 42:4

Nada mose ia sanga malapat, lopus dipajongjong ia tona di tano on; sude pulo manghalungunkon pangajaranna.”