DANIEL 8:21 - BIBEL JAMITA NA DENGGAN

²¹ Hambeng jantan i, i ma manggambarkon harajaan Junani, jana tandukna na joljol i di holang-kolang ni matana na dua i, i ma rajana na parjolo.

DANIEL 8:21 Referans Kwoze

DANIEL 11:3

Dung i ruar ma sada raja na gogo. Parentaonnia ma sada harajaan na lobi godang jana baenonnia ma roha-rohania.

DANIEL 10:20

Dung i ning ia ma, “Diboto ho dehe sanga hara ni aha umbaen na ro au tu ho? Santongkin nari mulak do au laho marporang dohot pamimpin ni halak Persia, jana dung sidung au maralo dohot halahi, gabe marroan ma angka pamimpin ni halak Junani.

DANIEL 8:20

Biri-biri jantan na niidami, na martanduk dua, i ma manggambarkon harajaan Media dohot Persia.

DANIEL 8:22

Tanduk na opat na ruar dung maponggol tandukna na parjolo i, astuanna tarbagi opat ma harajaan Junani, tapi sada pe nada adong be songon gogo ni harajaan na parjolo i.

DANIEL 11:2

Jana sanga aha na giot sidokkononku tu ho, na tutu do i.” Didok surusuruan i ma, “Tolu raja na asing na giot mamarenta Persia, ihut ma raja na paopatkon na ummora ulang pado na asing i. Di hagogok ni kuaso dohot hamoraonnia, ditahi rohania ma giot marporang mangalo harajaan Junani.

DANIEL 2:39

Tapi dung marujung harajaon ni raja i, ro muse ma harajaan na asing na ummenek sian harajaan ni raja i, ro muse ma harajaan na patoluhon na nigambarkon ni tumbaga na di patung i, na mangarajai sandok tano on.

DANIEL 7:6

Taran pamanat-manatkon i dope au, murgap muse ma binatang na asing. Tompana songon babiat, tapi adong di tanggurungna i opat habong ni unggas jana ulunia pe opat muse. Jana dilehen do tusia hagogoon.

ZAKARIA 9:13

BaenonKu ma Juda songon sior na sintak, jana Huhobasi Efraim tu parporangan, jana Hupake angka anakmi ale Sion, adop angka anakmu, jana tano Junani baenonKu gabe podang ni sada pahlawan.”