DANIEL 8:11 - BIBEL JAMITA NA DENGGAN

¹¹ Mur dialo ia muse ma dohot Panglima ni tentara ni banua ginjang, diantak ia haul parhaulan siganop ari na dihaulkon tu Panglima i, jana dirupakkon ia ma bagas paribadatan tuSia.

DANIEL 8:11 Referans Kwoze

DANIEL 12:11

Mamungka sian na diantak haul siganup ari i jana dipajongjong Hajahatan Na Manyegohon i, 1.290 ari ma honokna.

DANIEL 11:31

Ramun ma inganan na badia i baenon ni piga-piga halak sian tentarania i. Soadahonon ni halahi ma haul siganop ari jana pajongjongon ni halahi ma Hajahatan Na Mangagohon.

DANIEL 8:25

Dibaen malo do ia manipu, sai tulus do angka sipaoto-otonia. Dihaginjangkon ia ma dirinia, jana nada pola jolo mangalehen sipaingot matehononnia ma bahat jolma. Salang Raja ni sandok raja pe dialo ia do. Tapi roncohonon do ia nada pola hara ni gogo ni jolma.

JEHESKIEL 46:14

Tamba ni i, ganop manyogot angkon laing haulkonon muse do dua kilo gandum dohot saliter miak zetun sicampurkonon dohot gandum i. I ma haul gandum sihaulkonon ganop ari di Tuhan; sapanjangna do dalankonon aturan i.

HALUMBAAN 17:14

Na giot marporang do halahi mangalo Anak Ni Biri-biri i. Tapi taluhonon ni Anak Ni Biri-biri i ma halahi, angke Ia do Tuhan ni angka tuan jana Raja ni angka raja. Dung i monang ma na rap dohot Ia, i ma angka na nipiohon dohot na nipili dohot na setia.”

JESAYA 37:23

Ise dehe na nipaila dohot na nipabilemu! Tu ise dehe dipasihil ho soramu, dohot pangaligimu na sombong? Tu na badia, Debata ni Israel.

IBRANI 2:10

Madung sapatutna nian baenon ni Debata na manompa jana na pangolu sasudena – Jesus gabe sanggam hara ni parkancitanNa i. Jadi hara ni i tarpiohon Jesus do bahat halak anso dohot nipasangap rap dohot Ia. Angke Ia do na mambaen dalan di halahi anso tola dohot nipalua.

LUKAS 21:24

Adong ma na dibunu dohot podang, adong muse ma i na dioban gabe taban tu angka luat ni halak; jana dege-degeon ni halak ma Jerusalem lopus abis hatiha na dung nitontuhon ni Tuhan i tu halahi.”

DANIEL 8:12

Gabe mamungka ma disi angka jolma mardosa jana nada be dihaulkon angka haul na ditontuhon i. Madung gabe disampakkon tu tano ibadat hatigoran. Manjadi do sude na nibaen ni tanduk i.

DANIEL 7:25

Mangkuling ma ia mangalo Debata Na Gumincat i jana parkancitannia ma bangso ni Debata. Akalkononnia ma paubahon angka aturan dohot angka pesta ugamo ni halahi jana rajaannia ma halahi tolu satonga taon honokna.

DANIEL 5:23

Padorgak diri do raja i maradopkon Na Markuaso di banua ginjang i jana puluk do raja i marsuru maroban masuk angka mangkuk na hona rampas sian Bagas Na Badia i. Dung i minum anggur ma raja i, angka na sangap, angka dadaboruna be songon i dohot angka gundik ni raja i sian mangkuk na ni rampas i. Dipuji-puji raja i do angka debata na dibaen sian sere, perak, tumbaga, bosi, hayu dohot batu, i ma angka debata na so marnida sanga marbinege sanga mangastui bagi aha. Nada dipasangap raja i Debata na manontuhon ngolu dohot hamamate ni raja i dohot na manontuhon pardalanan ni ngolu ni raja i.

JEREMIA 48:42

Maronco noma Moab jana nada be tardok margoar sada bangso, patunda ni na mangalo halahi tu Au.

JEREMIA 48:26

Didok Tuhan ma, “Baen ma Moab gabe mabuk, hara ni na mangalo ia tu Au. Margiling-giling ma ia di uta-utania i jana partataan ni halak.

JESAYA 37:29

Madung Hubege do sanga songon dia ginjang ni rohami. Saonnari Hubaen harihir di igungmu dohot kokang di babamu, anso Hutarik ho mulak mamolus dalan na nibolusmu di na laho ro.”

BILANGAN 28:3

“Angka on ma haul sipanganon na angkon sihaulkononmunu tu Tuhan. Na gabe haul ganop ari, dua anak ni biri-biri jantan na marumur sataon na so martihas.

2 TESSALONIKA 2:4

Sian ginjang ni rohana, mangalo ma ia jana pagincat diri di ginjang ni sude na nisomba ni jolma, sanga pe sude na nipardebata ni jolma. Salang Bagas Ni Debata pe juguhannia do jana baenonnia ma boa-boa tu halak na bahat sudena, mandok ia sandiri do Debata.

DANIEL 8:24

Mur martamba ma hagogoonnia, tapi nada sagogo ni na parjolo i. Paroonnia ma hamamago na jorbut situtu, jana sai tulus do sanga aha na nibaennia. Bunuonnia ma angka halak na gogo dohot bangso ni Debata.

DANIEL 9:25

Boto jana astui ma on: Salpu ma pitu noli pitu pulu taon, mamungka sian na diparuar parenta laho mambangun Jerusalem mangulahi lopus tu haroro ni sada pamimpin na nitodo ni Debata. Pitu noli onom pulu dua taon honokna paulion ma mangulahi angka dalan dohot angka tembok ni Jerusalem, tapi gok hamaolon do hatiha i.

DANIEL 11:22

Sude tentara na ro angkon diayup do dijolona jana dipatalu, jana dohot muse do sahalak Parjanjian.