DANIEL 7:15 - BIBEL JAMITA NA DENGGAN

¹⁵ Longang rohangku jana marsak hara ni angka parnidaan na huida i.

DANIEL 7:15 Referans Kwoze

DANIEL 7:28

Olat ni i ma barita i. Ia au, si Daniel, susa sajo do au hara ni i; jana husimpan do i sude di bagasan rohangku.

2 PETRUS 1:14

Angke huboto do, nada pola honok be marujung ma ngolungku, harana madung tangkas dipaboa Tuhanta Jesus Kristus tu au.

HABAKUK 3:16

Panyogiton pamatangku pabege-begesa bibirku pe humitir, jana rohangku pe mabiar. Gabe gale ma au nada adong be gogo, tartuktuk patku, mardalan pe nada malo. Hupasada noma rohangku paintehon uhuman tu angka bangso na ro mamorangi hami.

DANIEL 8:27

Dung i gale ma hulala lalu marnyae ma au adong piga-piga ari. Dung i jongjong ma au jana hukarejohon angka karejongku di raja i. Tapi sai susa do rohangku mamikirkon angka parnidaan i jana nada tarastui au.

DANIEL 7:1

Di taon parjolo dung mamarenta si Belsasar, raja ni Babel, marnipi ma si Daniel jana dapotan parnidaan dipodomannia. Dung i, disuratkon ia ma pangarimpunanna, “Di borngin i dapotan parnidaan ma au, huida ma mangombus alogo na gogo sian humaliang jana gumalungsang ma laut na bidang i.”

DANIEL 4:5

Tapi di sada borngin taran modom au, marnipi ma au jana manjagit parnidaan na mambaen rohangku marsak situtu.

DANIEL 2:3

Didok raja i ma tu halahi: “Marnipi do au jana marsak sajo rohangku dibaen nada huboto astuan ni nipi i!”

DANIEL 2:1

Sanoli di sada borngin, dung dua taon mamarenta Raja Nebukadnesar, marnipi ma ia. Marsak ma rohania dibaen nipinia i, lopus nada tarpodom be ia.

JEREMIA 17:16

Tapi ale Tuhan, na so unjung do husosoi Ho parohon jaya tu halahi, nada muse por rohangku anso didondoni hasusaan. Diboto Ho do i ale Tuhan. Diboto Ho do sanga aha na hudok.

PAMUNGKAAN 41:8

Jadi dung torang ari, marsak ma da roha ni raja i, gabe disuru ia ma anso dipio sude datu parelmu dohot halak na pistar na adong di Mesir. Jadi dipaboa ia ma nipinia i tu halahi; tapi sahalak pe nada adong na tarbaen patorangkon astuanna.

DANIEL 4:19

Umbege i, tarsonggot jana longang ma sangombas si Daniel na nigoaran muse si Beltsasar. Jadi au Raja Nebukadnesar, hudok ma tusia, “Beltsasar, ulang pola susa rohamu hara ni nipi i dohot astuanna.” Dialusi si Beltsasar ma, “Rajanami, denggan ma i sugari nian tu angka musu ni raja i ma masa angka na tarjadi na nipaboa ni nipi i jana ulang ma nian tu raja i.

DANIEL 8:2

Di bagasan parnidaan i di propinsi Elam do au, di Susan, kota sabungan ni Persia. Jongjong au di lambung ni Batang aek Ulai,

DANIEL 10:16

Tapi adong ma na songon jolma tompana manjama pamanganku; dung i hubuka ma pamanganku jana mulai ma au mangkobari; hudok ma tusia na tongon jongjong di jolongki, “Tuan, hara ni parnidaan i gabe markancit do au, jana nada adong be gogongku.