DANIEL 6:3 - BIBEL JAMITA NA DENGGAN

³ Diangkat ia ma si Daniel dohot dua halak donganna laho manjago angka gubernur i anso ulang marugi raja i dibaen halahi.

DANIEL 6:3 Referans Kwoze

DANIEL 5:14

Hubege dirajai angka tondi ni debata na badia do ho, jana adong do di ho hapistaran, parbinotoan dohot bisuk na sumurung.

PODA 22:29

Unjung dehe diida ho halak na malo mangkarejohon karejona? Di bagas godang ni angka raja do halahi baenonna karejo, nada di bagas ni halak na somal.

DANIEL 5:12

Sun do malo ni bayo i dohot bisukna boti malo do ia patorangkon nipi, mambuka rahasia dohot pasidungkon angka soal-soal na maol. Si Daniel goarna, tapi anggo raja i mandok si Beltsasar do goarnia. Paboaonnia do tu raja i sanga aha astuan ni suratan on.”

ESTER 10:3

Hot do si Mordehai halak Jahudi i maniop jabatan partimbo di toru ni Raja Ahasweros sandiri. Dipasangap jana dihalomohon roha ni angka dongan sabangsonia do si Mordehai. Manggogo do ia patongonkon haluaan dohot hasonangan ni bangsonia maradu sude pomparan ni halahi.

DANIEL 9:23

Di na mamungka ho mangido tu Debata, dilehen Ia do alusna. Dihaholongi Ia do ho, hara ni i ma umbaen na ro au laho paboahon alusna tu ho. Antong, tangihon ma anso hupatorang tu ho astuan ni parnidaan i.

PODA 17:27

Asok do mangkobari halak na pistar, jana torang do marpikir halak na mangastui.

PARJAMITA 2:13

Nian, huboto do, ‘Dumenggan do habisuhon sian haotoon, songon na torang dumenggan sian na golap.

NEHEMIA 7:2

Hupasahat ma na mamarenta kota Jerusalem tu anggingku si Hanani dohot tu si Hananya komandan ni benteng, harana sumurung do ia sian halak na asing, mabiar do ia tu Tuhan boti haposan ni roha.

DANIEL 5:7

Mangarar ma ia lalu mangido anso dipiohon angka datu na malo manjujur, na malo marjampi-jampi dohot na umboto parhalaan. Dung ro halahi, didok raja i ma, “Sanga ise na malo mambasa suratan i dohot paboahon astuanna tu au, lehenonku ma pakean harajaan, i ma baju juba na bunga torung dohot borgok sere tanda ni hasangapon. Tamba ni i angkatonku ma ia gabe parkuaso na patoluhon di bagasan harajaanku.”

ESRA 4:22

Manigor ma padalan hamu na huparentahon i anso ulang mur mabahat be harugianku!”