DANIEL 6:20 - BIBEL JAMITA NA DENGGAN

²⁰ Di andostorang i ngot ma raja i, jana mopop ma ia kehe tu liang ni singa i.

DANIEL 6:20 Referans Kwoze

IBRANI 7:25

Jadi hara ni i sanga andigan pe tarbaen Jesus do paluahon sanga ise halak na ro tu Debata markite-hite Ia. Tarbaen Jesus pe songon i hara ni na mangolu do Ia sapanjangna laho pasahatkon tu Debata angka pangidoan ni halahi.

DANIEL 6:27

Huparentahon tu sude jolma na adong di luat na hurajai anso mabiar jana marsomba tu Debata na nisomba ni si Daniel! Debata na mangolu do Ia salolot-lolotna, lopus tu ujung ni sudena do Ia mamarenta. Nada ra mago harajaanNia. GogoNia nada marhaujungan.

1 JUJUR TAON 16:11

Ro ma tu Tuhan laho mangido hagogoan. Marsomba ma tuSia ulang maradian-adian.

DANIEL 6:16

Dung i mangulahi ma angka jolma i ro tu raja i jana didok halahi ma, “Ale rajanami, giotna diingot raja i ma nian anggo mangihutkon undang-undang ni Media dohot Persia, anggo parenta na niparuar ni raja nada tola uba-ubaon.”

DANIEL 3:17

Muda margogo antong Debatanami paluahon hami sian purunan api na gara-gara i dohot sian kuaso ni raja i, angkon baenonNia do songon i.

JAKOBUS 1:25

Sanggam do tona i jana margogo do i laho mambaen jolma gabe mardeka. Jana sanga ise na manangkasi dohot na mamparrohahon dohot denggan bope na patuluskon angka parenta i, jana nada hum na manangihon sajo jana mangkalupahonsa, martua ma halakna i di sude pangalaho na nibaennia.

2 KORINTUS 1:10

Ia do na palua hami sian parmaraan godang na giot mamatehon i. Jana laing paluaonNia do hami tu angka ari na giot ro, angke tuSia do hami mararop ni roha.

LUKAS 18:1

Dung i dipaboa Jesus muse ma sada umpama laho mangajar angka siseanNia anso tongtong martangiang halahi jana ulang mandele.

LUKAS 1:37

Angke nada adong na so tarpatupa anggo di Debata.”

HOSEA 12:6

Debata i ma Tuhan, Debata Na Markuaso i. Tuhan do goarNa. Marhite goar i ma dihagioti rohaNia maribadat halak tuSia.

DANIEL 3:15

Saonnari, ra dehe hamu manungkap dohot marsomba tu patung i muda mangkuling sora ni sarune; suling; hasapi; arbab; sordam; gambus dohot angka uning-uningan na marragam i? Muda nada ra hamu, manigor do ambungkonon hamu tu purunan api na gara-gara. Jana debata dia dope na margogo paluahon hamu sian kuasongku?”

JEREMIA 32:17

“O ale Tuhan Debata, Ho do na manompa langit dohot tano marhite kuaso dohot hamaloanMu na godang i, nada adong sanga aha na maol di Ho.

MASMUR 73:23

Hape laing donok do au di lambungMu, ditiop Ho do tangan siamunku.

BILANGAN 11:23

Dialusi Tuhan ma, “Marbatas dehe kuasongKu? Idaonmu ma tibu, sanga tulus do na Hudok i sanga nada!”

PAMUNGKAAN 18:14

Adong ma he pangalaho bagi aha na maol di Tuhan lakna? Di hatiha na dung ditontuhon, giot mulak ro Au mandapotkon ho di taon na ro, jana adong ma anak di si Sara.”

JUDAS 1:24

Debata do na margogo manjagohon hamu, anso ulang tinggang, jana na pajongjongkon hamu di adopan ni hasangapanNia di bagasan jop ni roha, jana nada martihas.

2 TIMOTEUS 1:12

Hara ni i ma umbaen na hutaon sudena on, tapi nada maila au, angke tangkas do huboto sanga ise na huhaporsayai. Pos do rohangku, sanga aha na nipasahatNia tu au, tarjagohon Ia do i lopus tu Ari Parpudi i.

KOLOSSE 4:2

Pupu hamu ma na martangiang jana jonggor ma hamu. Mandok tarimakasi ma hamu tu Debata.

SURAT NI SI PAULUS TU PARLAGUTAN ROM 2:7

Lehenon ni Debata ma ngolu na manongtong tu sude na mangkaburjuhon na denggan, hasangapan na sanggam jana na manongtong i.

BAENON NI ANGKA RASUL 6:4

Anggo hami, giot mangkaburjuhon pikirannami di bagasan tangiang dohot manjamitahon hata i.”

MASMUR 146:2

Sai giot pujionku do Tuhan salolot mangolu au, jana marende di Debatangku salolot marhosa dope au.

MASMUR 119:112

Sai giot oloanku do hatontuan na nibaenMu, lopus tu ujung ni ngolungku.

DANIEL 6:19

Dung i kehe ma raja i tu bagas godangnia jana nada mangan ia saborngin i; nada disuru ia anso ro angka panghibur, jana nada bisa ia tarpodom.

DANIEL 6:26

Dung i ditongos Raja Darius ma surat tu angka jolma sian sandok bangso, marga ni bangso dohot hata na marragam-ragam na di tano on sudena. Ninna ma, “Sai martamba ma di hamu rasoki!