DANIEL 6:13 - BIBEL JAMITA NA DENGGAN

¹³ Marnida i, kehe ma halahi sude manopot raja i laho mangaduhon si Daniel. Didok halahi ma, “Inda he na dung diteken raja i surat parenta na mangalarang sude jolma di bagasan tolu pulu ari on palalu pangidoan tu sada sian angka debata sanga jolma asing tu raja i sajo? Boti muse, danggurkonon do sanga ise na mangalaosi parenta i tu bagasan liang ni singa?” Dialusi raja i ma, “Olo tutu do i, jana gabe undang-undang ni Media dohot Persia na so tarpauba-uba do parenta i.”

DANIEL 6:13 Referans Kwoze

DANIEL 3:12

Hape adong do piga-piga halak Jahudi na niangkat ni raja i mamarenta di propinsi Babel na manggagai parenta ni raja i. I ma si Sadrakh, si Mesakh dohot si Abednego. Nada ra halahi marsomba angka debata ni raja i jana nada ra muse halahi manyomba patung sere na nipajongjong ni raja i.”

BAENON NI ANGKA RASUL 5:29

Dialusi si Petrus dohot rasul na asing i ma, “Angkon Debata do ihutkononta, nada jolma.

DANIEL 2:25

Manigor dioban si Ariokh ma si Daniel manopot Raja Nebukadnesar lalu didok ia ma: “Padumpang do au dohot sada halak sian angka buangan Jahudi i, na malo paboahon nipi ni raja i.”

DANIEL 5:13

Manigor ma si Daniel dioban mangadop tu jolo ni raja i. Jadi disapai raja i ma tusia, “Ho dehe si Daniel halak Jahudi na tarbuang na nioban ni damang sian tano Juda?

ESTER 3:8

Jadi didok si Haman ma tu raja i, “Rajanami, adong do sada bangso na ganjil na marserak di ganop propinsi di harajaan on. Asing situtu do adatna sian angka bangso na deba nari i. Nada patu halahi tu angka aturan ni harajaan on. Jadi, sugari dumenggan nian ulang dipadiar raja i halahi mambaen roha-rohana.

DANIEL 1:6

Jana sian angka doli-doli i, masuk ma disi si Daniel, si Hananya, si Misael dohot si Asarya, sian Marga Juda do halahi.

BAENON NI ANGKA RASUL 17:7

jana madung dijagit si Jason on halahi di bagasnia. Sude do halahi mangalo aturan ni Kesar, harana didok halahi, adong dope raja na asing na margoar Jesus.”

DANIEL 3:8

Adong ma piga-piga halak Kasdim na mamake tingki i laho mangago halak Jahudi.

DANIEL 3:11

jana sanga ise na so mangoloi parenta i danggurkonon ma i tu purunan api na gara-gara.