DANIEL 6:12 - BIBEL JAMITA NA DENGGAN

¹² Marroan ma angka musu ni si Daniel di na niida ni halahi ia taran martangiang tu Debatania.

DANIEL 6:12 Referans Kwoze

DANIEL 6:8

Hami sude na angka gubernur, angka wakil ni gubernur dohot angka na maniop jabatan na asing, madung martahi hami laho mangusulkon anso diparuar raja i surat parenta na mandok angkon oloan sian situtu ni roha. Diparentahon raja i ma nian sugari, anso di bagasan tolu pulu ari sada halak pe nada tola palalu pangidoan tu sada sian angka debata sanga tu jolma, asing ni na tu raja i sandiri. Sanga ise na mangalanggar parenta i ambungkonon ma tu bagasan liang ni singa.

ESTER 1:19

Antong hara ni i, pangidoannami, anso dibaen raja i nian haputusan bahaso na so tola be Ratu Wasti ro mangadop tu raja i. Angkon dibaen ma haputusan i gabe undang-undang di Persia dohot Media, anso ulang tarumpat-umpat be mangulahi. Dung i, nilehen ma jabatan ni Ratu Wasti i tu dadaboru na asing na umburju sian i.

BAENON NI ANGKA RASUL 16:19

Jadi dung torang diboto angka tuanna i na so adong be dapot halahi parlaboan sian ia, ditangkup halahi ma si Paulus dohot si Silas, ditarik halahi ma sidua halak i tu balerong mangadop tu na markuaso.

BAENON NI ANGKA RASUL 16:24

Jadi hara ni parenta i, dipamasuk kapala ni hurungan i ma halahi na dua tu kamar parbagasan situtu di hurungan i jana dibayangkon ia dope pat ni halahi tu balok.

DANIEL 6:15

Umbege i marsak jana ganggu ma raja i, gabe dijalahi ia ma dalan laho paluahon si Daniel. Lopus tu andospotangna i laing marpikir-pikir dope raja i.