DANIEL 5:5 - BIBEL JAMITA NA DENGGAN

⁵ Laing di hatiha i tarida ma jari-jari ni jolma na manyuratkon sisuratonna di dingding ni bagas godang i, di inganan na tumorang hona sinondang ni lampu, gabe tangkas ma i diida raja i.

DANIEL 5:5 Referans Kwoze

DANIEL 4:31

Nada abis dope ia mangkuling di na nibegenia sora sian langit mandok, “Tangihon ma on ale Raja Nebukadnesar! Madung dibuat sian ho kuasomu songon raja.

KOLOSSE 2:14

jana disoadahon Ia sude surat utang maradopkon hita, i ma na mangancam hita dohot angka sarat na borat. Di na niparsilangkon surat i di hayu parsilang i, disesa Debata ma sudena utang na tu hita i.

JOB 20:5

hamogaan ni parjahat parsantongkinan do da, jana hasonangan ni na so ture hum sangkinidop mata?

DANIEL 5:15

Madung diuji angka na malo dohot na umboto jampi mambasa surat on dohot paboahon astuanna tu au. Tapi nada malo halahi.

DANIEL 5:8

Ro ma tu jolo angka na malo-malo i, tapi sada halak pe sian halahi nada adong na malo mambasa suratan i sanga paboahon astuanna tu raja i.

DANIEL 4:33

Laing di hatiha i, manigor tarjadi ma na nidok ni hata i. Hona usir ma si Nebukadnesar sian parngoluon ni jolma jana manjampal noma songon lombu. Hona ombun ma pamatangna, obukna songon ginjang ni imbulu ni halihi jana sisilonna songon ginjang ni sisilon ni unggas.

PODA 29:1

Sanga ise na manangkang muda dipaingot, di sada hatiha gabe maropuk jana nada be tarpauli.

DANIEL 5:4

Dipuji-puji halahi muse ma angka debata na nibaen sian sere, perak dohot tumbaga, bosi, hayu dohot batu.

DANIEL 5:6

Gabe rata lombam ma ia jana mabiar situtu jabat humitir totnia i.

JEREMIA 50:43

Umbege barita i raja Babel gabe manggalei. Didondoni biar ma ia, jana markancit, songon dadaboru na giot di api.