DANIEL 5:28 - BIBEL JAMITA NA DENGGAN

²⁸ Peres; astuanna; madung dibagi harajaan ni raja i jana dipasahat tu halak Media dohot Persia.”

DANIEL 5:28 Referans Kwoze

DANIEL 6:28

Ia do mambaen malua dohot na patupa haluaan, mambaen tanda dohot hahomangan di langit sanga pe di tano. Madung dipalua Ia si Daniel, sian sisilon ni singa.”

JESAYA 13:17

Ligi ma, “PabangkitonKu do bangso Madai laho mamorangi Babel. Nada mampan tu halahi na mangalehen perak sanga sere baen suruk.

JESAYA 21:2

Madung dipatuduhon tu au taringot tu na jorbut na giot masa, halumbaan taringot tu hajahatan dohot hasesegona. Maju ma hamu parangan ni Elam, roro ma! O hamu parangan ni Madai, hobuk hamu ma angka kota i! Na giot paujungonKu noma sude pardangolan na nibaenan ni Babel.

DANIEL 9:1

Di taon parjolo hatiha mamarenta Raja Darius, anak ni si Ahasweros, pomparan ni halak Media na dung gabe raja di halak Kasdim.

DANIEL 8:20

Biri-biri jantan na niidami, na martanduk dua, i ma manggambarkon harajaan Media dohot Persia.

BAENON NI ANGKA RASUL 2:9

Angka halak Partia do hita, halak Media, halak Elam; halak Mesopotamia; halak Judea; halak Kapadokia; halak Pontus dohot Asia,

DANIEL 6:8

Hami sude na angka gubernur, angka wakil ni gubernur dohot angka na maniop jabatan na asing, madung martahi hami laho mangusulkon anso diparuar raja i surat parenta na mandok angkon oloan sian situtu ni roha. Diparentahon raja i ma nian sugari, anso di bagasan tolu pulu ari sada halak pe nada tola palalu pangidoan tu sada sian angka debata sanga tu jolma, asing ni na tu raja i sandiri. Sanga ise na mangalanggar parenta i ambungkonon ma tu bagasan liang ni singa.

2 JUJUR TAON 36:23

“On ma parenta ni si Kores, raja ni Persia! Madung dibaen Tuhan, Debata na markuaso di banua ginjang au gabe raja di portibi on sudena, jana disuru Ia do au laho mambangun bagas diSia di Jerusalem na di Luat Juda. Jadi, saonnari hamu sudena anggota ni bangso ni Debata, angkon mulak hamu tusi! Sai didongani Tuhan Debatamunu i ma hamu.”

JESAYA 47:11

Tondongon ni parmaraan ma ho, nada margogo ajimetmi pasidingkonsa. Ro ma parmaraan tu ho, nada bisa so simbilkononmu i marhite manyombahon haul. Ompot ma ro hamamate tu ho, songon na so diambang rohamu.

JEREMIA 25:13

Giot uhumanKu Babel marhite sudena parmaraan na dung Husangkaphon maradopkon angka bangso di na mangkobari Au dohot si Jeremia – i ma sandok sangkap na tarsurat di bagasan buku on.

JEREMIA 51:28

Parade ma angka bangso laho marporang mangalo Babel. Piohon angka raja ni Media dohot angka pamimpin maradu angka pagawena, dohot tentara sian sude luat na nirajaan ni halahi.

DANIEL 2:32

Sian sere do dibaen uluna i, andorana dohot tanganna sian perak, gontingna dohot butuhana sian tumbaga,

DANIEL 2:39

Tapi dung marujung harajaon ni raja i, ro muse ma harajaan na asing na ummenek sian harajaan ni raja i, ro muse ma harajaan na patoluhon na nigambarkon ni tumbaga na di patung i, na mangarajai sandok tano on.