DANIEL 4:7 - BIBEL JAMITA NA DENGGAN

⁷ Tapi di na ro angka partondung, na malo manjampi, angka halak Kasdim dohot angka halak na umboto parhalaan jana hupaboa nipingki tu halahi, sahalak pe nada adong na malo patorangkon astuanna.

DANIEL 4:7 Referans Kwoze

JESAYA 44:25

Hupaoto-oto angka pangaramal, Husursari ramalan ni panjujur nasib. Husungkar angka na nidok ni na malo marhata, Hupatanda na sala habisuhanna.

DANIEL 2:7

Dialusi halahi ma mangulahi, “Sugari antong jolo dipaboa raja i ma da nipi i tu hami, dung i hami patorang ma astuanna.”

DANIEL 2:27

Dialusi si Daniel ma, “Rajanami, nada adong halak na marilmu, na malo manjampi, partondung sanga pe na umboto parhalaan tarbaen paboahon na songon i tu raja i.

DANIEL 2:10

Dialusi partondung i ma, “Di sandok tano on sahalak pe nada adong na malo paboahon sanga aha na nihagiotan ni raja i. Jana nada unjung dope adong sada raja sanga na bia pe godangna dohot sangapna, mangido na songon i sian angka partondung, parjampi na malo, dohot sian angka parilmu na adong di bagas godang.

PAMUNGKAAN 41:8

Jadi dung torang ari, marsak ma da roha ni raja i, gabe disuru ia ma anso dipio sude datu parelmu dohot halak na pistar na adong di Mesir. Jadi dipaboa ia ma nipinia i tu halahi; tapi sahalak pe nada adong na tarbaen patorangkon astuanna.

PAMUNGKAAN 41:24

Dibondut burir ni eme na lambang i ma burir ni eme na porngis sinangkin i. Ma hupaboa nipingki tu angka datu parelmu hape sahalak pe nada adong na malo patorangkonsa sanga aha astuanna.”

DANIEL 1:4

Angkon doli-doli na so martihas do halahi. Angkon tongam, parsikola dohot na tangkas parbinotoanna di sasudena, na pistar dohot na bahat parbinotoan jana na patut markarejo di bagasan bagas godang. Angkon ajaran ni si Aspenas halahi manyise dohot manyurat di hata Babel.

DANIEL 3:8

Adong ma piga-piga halak Kasdim na mamake tingki i laho mangago halak Jahudi.

DANIEL 4:18

I ma da nipingki, ale Beltsasar. Saonnari paboa ma astuanna tu au. Sahalak pe sian angka halak na malo na adong di harajaankon nada malo paboahon tu au, hape anggo ho tarbaen ho do, dibaen dirajai tondi ni angka debata na badia do ho.”

DANIEL 5:7

Mangarar ma ia lalu mangido anso dipiohon angka datu na malo manjujur, na malo marjampi-jampi dohot na umboto parhalaan. Dung ro halahi, didok raja i ma, “Sanga ise na malo mambasa suratan i dohot paboahon astuanna tu au, lehenonku ma pakean harajaan, i ma baju juba na bunga torung dohot borgok sere tanda ni hasangapon. Tamba ni i angkatonku ma ia gabe parkuaso na patoluhon di bagasan harajaanku.”

DANIEL 5:8

Ro ma tu jolo angka na malo-malo i, tapi sada halak pe sian halahi nada adong na malo mambasa suratan i sanga paboahon astuanna tu raja i.

MASMUR 37:35

Unjung do huida sahalak parjahat na ginjang roha, markuaso ma ia antong songon bona ni sampinur Libanon.

JEHESKIEL 31:3

Songon sampinur Libanon do ho na jagar gok dangkana na rumbun boti na jeges. Bonana i tigor jana maningkos puncuna i jabat masuk ombun.