DANIEL 4:32 - BIBEL JAMITA NA DENGGAN

³² Paoroton ma ho sian parngoluon ni jolma, jana mangolu di padang-padang ma ho songon angka binatang. Pitu taon honokna mangan ruput noma ho songon lombu. Dung salpu i okuonmu ma na markuaso do Na Gumincat i maradopkon harajaan ni jolma jana dilehen Ia harajaan i sanga na tu ise sajo na nitodoNia.”

DANIEL 4:32 Referans Kwoze

DANIEL 5:21

Dipaorot do ia sian parngoluon ni jolma manusia jana pikirannia pe gabe songon pikiran ni binatang. Halode harangan noma dongannia mangolu, manjampal ruput songon lombu jana modom di na tardas so marsiholip maradopkon ombun. Ujungna dioku ia ma na markuaso do hape Debata Na Gumincat i maradopkon harajaan ni jolma jana dilehen Ia harajaan i sanga na tu ise sajo na nitodoNia.

JEREMIA 27:5

“Marhite hagodangan ni kuasongKu dohot hagogoanKu, madung Hutompa tano dohot jolma dohot sandok binatang jana tarlehen Au do i sanga na tu ise giotKu.

JOSUA 4:24

Marhite na masa on gabe botoon ni sude jolma na di tano on ma sanga songon dia godangna kuaso ni Tuhan. Jana pasangaponmunu ma Tuhan Debatamunu salolot-lolotna.”

HARURUAR 9:29

Didok si Musa ma tu raja i, “Disi haruar au sian kota on, angkatonku ma tanganku martangiang tu Tuhan. Mantak ma ronggur i, siang ma udan ambolas, anso diboto hamu, Debata do nampuna tano on.

HARURUAR 8:10

Dialusi raja i ma, “Tangiangkon ma au ancogot.” Ninna si Musa ma, “Baenonku ma songon na nipangido ni raja i anso diboto raja i, nada adong Debata na asing na songon Tuhan, Debatanami i.

JESAYA 37:20

Ale Tuhan Debata, palua ma hami sian angka halak Asur i, anso diboto sandok bangso na di tano on bahaso sasada Ho do Tuhan.”

HARURUAR 9:14

Anggo on, nada hum menterimu dohot rayatmu na giot uhumonKu, tapi ho sandiri pe angkon hona, anso diboto hamu na so adong na dos dohot Au di portibi on.

JESAYA 45:3

Gabe lehenonKu ma di ho arta pusako, harta sinadongan na buni, anso diboto ho Au Tuhan Debata ni Israel, na dung marpio ho marhite goarmu.

2 JUJUR TAON 33:13

Dipatulus Tuhan ma tangiang ni si Manase i jana dipaulak ma ia tu Jerusalem anso mamarenta mangulahi. Jadi hara ni na masa i gabe pos ma roha ni si Manase bahaso Tuhan do hape Debata.

DANIEL 2:21

Ia do na manontuhon musim dohot hatiha, dibalikkon Ia do parkuaso jana dipajongjong Ia. Laing Ia muse do na mangalehen habisuhon, jana na mambasa-basahon parbinotoan.

DANIEL 4:31

Nada abis dope ia mangkuling di na nibegenia sora sian langit mandok, “Tangihon ma on ale Raja Nebukadnesar! Madung dibuat sian ho kuasomu songon raja.

JOB 9:12

Muda mangarampasi Ia, ise ma he na puluk mangararang Ia? sanga na barani marsapa, ‘Na mambaen bia do Ho?’

JOB 42:2

“Huboto do, na marhagogoan do Ho mambaen bagi aha pe, jana nada jungada sundat sangkapMu.

MASMUR 115:3

Di banua ginjang do anggo Debatanta, dibaen Ia do sanga aha giot ni rohaNia.

MASMUR 135:6

Dibaen Ia do sanga na aha giotNia, di langit an dohot di tano on, di laut dohot di na bagas ni lautan.

JESAYA 40:15

Anggo satutuna angka bangso, songon santetek aek do i di bagasan timba; songon sangkibung abu di timbangan. Anggo satutuna songon abuan do borat ni angka pulo.

JESAYA 40:17

Sandok bangso nada bagia aha dope i diSia, nada lobi sian na rumar soada.