DANIEL 2:4 - BIBEL JAMITA NA DENGGAN

⁴ Dialusi halahi ma di hata Aram: “Sai ginjang ma umur ni raja i salolot-lolotna! Patorang ma tu hami nipi i, anso hami patorang muse astuanna.”

DANIEL 2:4 Referans Kwoze

DANIEL 5:10

Umbege pangangguk ni raja i dohot angka halak na godang-godang i, masuk ma inang ni raja i tu bagasan parpestaan i. Dung i didok ia ma, “Mangolu ma da raja i sapanjangna! Dipasonang raja i ma jolo roha ni raja i jana ulang pola langan.

DANIEL 3:9

Mangadu ma halahi tu Raja Nebukadnesar jana didok halahi ma, “Mangolu ma da raja i sapanjangna!

ESRA 4:7

Songon i muse di hatiha ni si Artahsasta mamarenta, mangulahi do i tarjadi: Mambaen surat ma si Bislam, si Mitredat, si Tabel dohot dongan ni halahi tu raja. Di hata Aram do dibaen surat i, jana angkon diterjemahkon do hatiha manyisena.

JESAYA 36:11

Dung i didok si Elyakim, si Sebna dohot si Joah ma tu pangarajai inumon i, “Marhata Aram sajo pe da tuan i tu hami; hami astui do i. Ulang pola marhata Ibrani, naron habotoan tu rayat na di ginjang ni tembok i.”

DANIEL 6:21

Disi lalu tu inganan i, pio-pio ma ia marsora songon na ganggu tu si Daniel, “Naposo ni Debata na mangolu. Tarpalua Debata na nioloanmi dehe ho sian angka singa i?”

DANIEL 6:6

Jadi didok halahi ma: “Hum na mardomu tu ugamonia sajo noma dapot hita anggo hasalaan ni si Daniel.”

1 RAJA-RAJA 1:31

Dung i unduk ma si Batseba lalu didokkon ia, “Horas ma raja i ro di salolot-lolotna.”

MATEUS 21:9

Mamungka ma marsurahi halak na mardalan di jolo dohot na di pudi ni Jesus. Ninna halahi ma, “Hosana ma di Anak Ni si Daud! Dipasupasu ma Ia na ro di bagasan goar ni Tuhan! Puji ma Debata Na Gumincat i!”

DANIEL 5:8

Ro ma tu jolo angka na malo-malo i, tapi sada halak pe sian halahi nada adong na malo mambasa suratan i sanga paboahon astuanna tu raja i.

DANIEL 4:19

Umbege i, tarsonggot jana longang ma sangombas si Daniel na nigoaran muse si Beltsasar. Jadi au Raja Nebukadnesar, hudok ma tusia, “Beltsasar, ulang pola susa rohamu hara ni nipi i dohot astuanna.” Dialusi si Beltsasar ma, “Rajanami, denggan ma i sugari nian tu angka musu ni raja i ma masa angka na tarjadi na nipaboa ni nipi i jana ulang ma nian tu raja i.

DANIEL 4:7

Tapi di na ro angka partondung, na malo manjampi, angka halak Kasdim dohot angka halak na umboto parhalaan jana hupaboa nipingki tu halahi, sahalak pe nada adong na malo patorangkon astuanna.

JESAYA 44:25

Hupaoto-oto angka pangaramal, Husursari ramalan ni panjujur nasib. Husungkar angka na nidok ni na malo marhata, Hupatanda na sala habisuhanna.

NEHEMIA 2:3

jana hualusi ma, “Sai horas ma da raja i sapanjanna! Bia ma he so marsak iba, anggo laing na tinggal maropuk do kota inganan ni kuburan ni angka daompung boti angka pintu horbanganna i pe madung abis dipangan api.”

1 RAJA-RAJA 1:25

Laing sadari on do dihaulkon ia bahat biri-biri, lombu jantan dohot anak ni lombu angka na mokmok. Sude anak ni raja i madung diontang ia, dohot do si Joab, panglima ni tentara ni raja i dohot Malim Abyatar. Baru dope halahi marpesta dohot ia, lalu marsurak-surak mandok: ‘Horas ma di Raja Adonia!’

1 SAMUEL 10:24

Dung i mandok hata ma si Samuel tu rayat i, “Ligi hamu ma halak na nitodo ni Tuhan, nada adong bandinganna sian hita sudena.” Marsurak ma sude bangso i, “Horas ma di raja i!”

PAMUNGKAAN 41:8

Jadi dung torang ari, marsak ma da roha ni raja i, gabe disuru ia ma anso dipio sude datu parelmu dohot halak na pistar na adong di Mesir. Jadi dipaboa ia ma nipinia i tu halahi; tapi sahalak pe nada adong na tarbaen patorangkon astuanna.

PAMUNGKAAN 31:47

Digoari si Laban ma batu na niatak i, Jegar-Sahaduta, jana si Jakob digoari ia ma i, Galed.

2 RAJA-RAJA 18:26

Jadi didok si Elyakim, si Sebna dohot si Joah ma tu parpangkat i, “Marhata Aram ma da tuan i tu hami, hami astui do i. Ulang pola marhata Ibrani, naron diastui rayat na di ginjang ni tembok ni kota on.”

DANIEL 1:4

Angkon doli-doli na so martihas do halahi. Angkon tongam, parsikola dohot na tangkas parbinotoanna di sasudena, na pistar dohot na bahat parbinotoan jana na patut markarejo di bagasan bagas godang. Angkon ajaran ni si Aspenas halahi manyise dohot manyurat di hata Babel.

DANIEL 2:7

Dialusi halahi ma mangulahi, “Sugari antong jolo dipaboa raja i ma da nipi i tu hami, dung i hami patorang ma astuanna.”

DANIEL 4:9

“Ale Beltsasar, pamimpin ni angka halak na marilmu, huboto do na nirajaan ni tondi ni angka debata na badia ho, jadi nada adong rahasia na buni di ho. Tangihon ma nipingkon jana patorang ma astuanna.

DANIEL 6:7

Dung i kehe ma halahi manopot raja i jana didok halahi ma, “Ale tuannami Raja Darius, sai horas ma da raja i salolot-lolotna!