Biblia Todo Logo
Bib sou entènèt

- Piblisite -




DANIEL 2:21 - BIBEL JAMITA NA DENGGAN

21 Ia do na manontuhon musim dohot hatiha, dibalikkon Ia do parkuaso jana dipajongjong Ia. Laing Ia muse do na mangalehen habisuhon, jana na mambasa-basahon parbinotoan.

Gade chapit la Kopi




DANIEL 2:21
40 Referans Kwoze  

I ma haputusannami angka surusuruan na hobas jana na manat-manat. On do maksudnami: Anso dioku angka jolma sanga na di dia pe, na markuaso do Na Gumincat i maradopkon harajaan ni jolma dohot mangalehen harajaan i sanga tu ise pe na nitodoNia, bope tu halahi na umbile situtu pe!’


Mangkuling ma ia mangalo Debata Na Gumincat i jana parkancitannia ma bangso ni Debata. Akalkononnia ma paubahon angka aturan dohot angka pesta ugamo ni halahi jana rajaannia ma halahi tolu satonga taon honokna.


Paoroton ma ho sian parngoluon ni jolma, jana mangolu di padang-padang ma ho songon angka binatang. Pitu taon honokna mangan ruput noma ho songon lombu. Dung salpu i okuonmu ma na markuaso do Na Gumincat i maradopkon harajaan ni jolma jana dilehen Ia harajaan i sanga na tu ise sajo na nitodoNia.”


Ditunggalingkon Ia raja jana ditaban Ia halahi.


Dilehen Debata do di si Salomo bisuk dohot parbinotoan na sumurung dohot pangastuion na bagas situtu.


Muda adong sanga ise sian hamu na hurang marroha, dipangido ia ma habisuhon sian Debata, gabe lehenon ni Debata ma disia habisuhon. Angke tu ganop halak do Debata mangalehen jana mardongan ibo ni roha.


Au sandiri do mangalehen angka hata sidokkononmu dohot habisuhon, lopus nada tarbaen sahalak pe sian angka musumunu i mangalo dohot mangalusi sanga aha na nidokmunu i.


Ganop silehen-lehen na denggan jana na sanggam sian banua ginjang i do ro; na nipaijur ni Debata na manompa sasudena na torang di langit i do sudena i. Ia do Debata na so muba-uba, jana nada mandao muse Ia sian hita, gabe adong do tading halinuNa humaliang hita.


Dung dibege halak Israel haputusan ni si Salomo taringot tu parkaro i, gabe homang ma halahi jana dipasangap halahi ma si Salomo. Tangkas ma tarida, na dung dilehen Debata disia habisuhon laho manimbang parkaro di bagasan hatigoran.


jana Hugohi ia dohot Tondi Ni Debata. Madung Hulehen disia pangastuion, hamaloan dohot hagogoan domu tu sandok ragam ni hamaloan, hajegesan:


Hara ni na nibaen ni Debata sandiri do umbaen na gabe mardomu hamu dohot Kristus Jesus. Na nilehen ni Debata do Kristus tu hita, anso marguru tu Kristus hamaloanta. Angke Kristus do na padenggankon hita mangulahi dohot Debata. Laing Kristus do na papitahon hita anso gabe bangso na polin hita di Debata. Kristus muse do na paluahon hita.


laho manguhum hamu sude dohot dalan na sarupa muda nada diboto hamu paboahon nipi i tu au. Martahi do hamu torus paoto-otohon au betak sai bia ra au manguba haputusanki. Saonnari, paboa hamu ma nipi i, anso huboto muse nabisa hamu patorangkon astuanna.”


Jana sai ibo nian roha ni Tuhan Debatami laho mangalehen habisuhon dohot roha di ho anso tarrajai ho Israel hombar tu angka aturanna.


Sai por do roha ni halak sian sandok bangso laho ro manangihon angka poda habisuhon na nilehen ni Debata tusia,


Tarsurat do di baju jubaNia dohot di hae-haeNia i goar on, “Raja ni sasude raja jana Tuan ni sude tuan.”


Dung adong piga-piga taon muse, giot mambaen hasadaan ma raja ni Mesir dohot raja ni Siria jana pabagasonnia ma borunia tu raja ni Siria. Hape nada lolot tahan hasadaon i, jana hona bunu ma borunia i, songon i halaklahina dohot anakna dohot angka naposona na manaruhon ia.


Dicaritohon do di buku i salaho tu pangarajainia, kuasonia dohot sude na masa tusia, na masa tu Israel dohot tu angka harajaan na humaliang Israel.


Boti madung Hutodo si Oholiab, anak ni si Ahisamak sian Marga Dan laho mangurupi ia. Madung Hulehen muse hamaloan godang tu angka tukang na malo, anso laing tarpature halahi sanga aha na Huparentahon:


Dihasomalkon raja i do laho mangido pandapot ni angka na malo taringot tu parsoalan uhum dohot aturan ni pangalaho. Jadi gabe dipiohon ia ma angka panuturina na umboto sanga aha sibaenon di pangalaho na songon i.


Angkon sude do halak mangoloi pamarenta, angke nada adong pamarenta na so manjagit kuasona sian Debata. Jana pamarenta na adong pe, sian parenta ni Debata do i.


Dilehen Debata ma tu doli-doli na opat i bisuk dohot hamaloon di parbinotoan taringot tu hata dohot ragam ni angka surat. Tambani i dilehen Ia muse do tu si Daniel hamaloon laho patorang parnidaan dohot nipi.


Dung i ro ma alus ni si Daniel, ning ia ma: “Pinuji ma goar ni Debata salolot ni lolotna, angke sian Ia do hapistaran dohot hagogoon!


Ale Debata na nisomba ni daompung, hupuji jana hupasangap Ho. Dibaen dilehen Ho di au bisuk dohot gogo. Madung ditangihon Ho pangidoannami. Jana dipatuduhon Ho do alus tu raja i.”


Di taon patoluhon dung mamarenta si Kores, raja ni halak Persia, dipaboa ma tona tu si Daniel na margoar muse si Beltsasar. Tutu do tona i salaho tu hasusaan na godang. Dung i ditiop ia ma hata i jana diparate-atehon ia ma parnidaan i.


Gogo ma sorania mangkuling mandok, ‘Taba ma hayu i jana tultuli ma angka dangkana, rurus ma bulungna i jana sarsarkon batuna i. Paorot ma angka binatang na marmodoman di toruna i dohot angka unggas na marasari di dangka-dangkana i.


O rajanami, raja i ma da hayu na gincat i. Sai martamba do hagodangan ni raja i lalu tu langit jana mabidang do kuaso ni raja i lopus tu ujung ni tano on.


Swiv nou:

Piblisite


Piblisite