DANIEL 2:1 - BIBEL JAMITA NA DENGGAN

¹ Sanoli di sada borngin, dung dua taon mamarenta Raja Nebukadnesar, marnipi ma ia. Marsak ma rohania dibaen nipinia i, lopus nada tarpodom be ia.

DANIEL 2:1 Referans Kwoze

DANIEL 4:5

Tapi di sada borngin taran modom au, marnipi ma au jana manjagit parnidaan na mambaen rohangku marsak situtu.

ESTER 6:1

Laing di borngin i nada tarpodom raja i. Jadi hara ni i, dipangido ia ma anso dibuat catatan Sejarah Ni Harajaan i jana disuru ia ma halak manyisesa.

DANIEL 2:3

Didok raja i ma tu halahi: “Marnipi do au jana marsak sajo rohangku dibaen nada huboto astuan ni nipi i!”

JEREMIA 25:1

Di taon paopatkon dung gabe raja ni Juda si Joyakim anak ni si Josia, dapot au ma tona sian Tuhan taringot tu sude bangso Juda. Taon parjolo ma hatiha i dung gabe raja si Nebukadnesar di Babel.

DANIEL 6:18

Dung i ditutupkon ma sada batu na godang tu baba ni liang i jana dicap raja i ma batu i dohot cap ni harajaan dohot cap ni angka parpangkat gabe nada tarbaen sanga ise be paluahon si Daniel sian singa i.

DANIEL 5:9

Mur tamba biar muse ma roha niraja i jana mur langan; angka halak na godang-godang i pe nada dibotosa be sanga aha sibaenonna.

DANIEL 7:1

Di taon parjolo dung mamarenta si Belsasar, raja ni Babel, marnipi ma si Daniel jana dapotan parnidaan dipodomannia. Dung i, disuratkon ia ma pangarimpunanna, “Di borngin i dapotan parnidaan ma au, huida ma mangombus alogo na gogo sian humaliang jana gumalungsang ma laut na bidang i.”

DANIEL 4:2

Por do rohangku paboahon tu hamu taringot tu tanda dohot hahomangan na nipatupa ni Debata Na Gumincat i tu au.

DANIEL 7:15

Longang rohangku jana marsak hara ni angka parnidaan na huida i.