DANIEL 11:11 - BIBEL JAMITA NA DENGGAN

¹¹ Jadi muruk ma raja ni Mesir jana maju muse ma ia tu galanggang ni porang mangalo raja ni Siria i. Tartaluhon ia do tentara ni Siria na bahat i.

DANIEL 11:11 Referans Kwoze

DANIEL 8:7

Hupareso ma pandogo-dogonia tu biri-biri jantan i. Hara ni panggasa-gasania, ditombeng ia biri-biri jantan i jana ponggol dibaen ia tandukna na dua i. Nada adong geldok ni biri-biri jantan i laho mangalo. Madabu ma ia tu tano i lalu didege-dege jana sahalak pe nada adong na tarbaen mangurupisa.

DANIEL 11:5

Anggo raja ni Mesir gabe margogo do. Tapi sada sian angka panglimana i gabe gumogo sian ia, jana harajaan na gumodang muse ma na giot parentaonnia.

DANIEL 11:44

Jadi ro ma barita na manyonggot sian Habincaran dohot sian Utara, jadi gabe marporang ma ia abis-abisan jana bunuonnia ma bahat halak.

DANIEL 2:38

Dibaen Ia do raja i gabe parkuaso di sude tano na niinganan ni jolma jana pangarajai ni sandok unggas dohot angka binatang na asing i. Raja i sandiri ma ulu sere na di patung i.

JEREMIA 27:6

Au ma da na pasahatkon bangso on sudena tu bagasan kuaso ni naposongKu si Nebukadnesar raja ni Babel i. Salang dohot binatang pe Hupasahat do tusia sirajaanna.

MASMUR 76:10

Rimas ni jolma gabe pujian do i di Ho jana na debanari i gabe hauntunganMu dipake Ho.

1 RAJA-RAJA 20:28

Jadi ro muse ma sahalak panurirang tu Raja Ahab mandok, “On ma pandok ni Tuhan: ‘Dibaen diambang angka halak Siria na hum di dolok sajo do Au markuaso jana nada dohot di napa na toruk, lehenonKu ma tu ho hamonangan mangalo tentara ni halahi na santak bahat i, jadi gabe botoonmu dohot rayatmu ma, Au do Tuhan.’ ”

1 RAJA-RAJA 20:13

Laing di ombas i, kehe ma sada halak panurirang mandapotkon Raja Ahab jana didok ia ma, “Pandok ni Tuhan, ‘Ulang mabiar ho mida tentara na bahat i! LehenonKu do hamonangan di ho maralohon halahi sadari on, jadi anso diboto ho, Au do Tuhan.’ ”

DANIEL 11:12

Dung i ginjang ma rohania hara ni hamonangannia i dohot hara ni bahat ni musu dimatehon ia, tapi nada sai torus ia monang.

DANIEL 11:40

Muda marayak marujung ma kuaso ni raja Siria i, ro ma raja ni Mesir mamorangi ia. Jadi baloson ni raja ni Siria ma parangan i lopus marujung. Padohotonnia ma bahat kareta porang, kudo, dohot kapal. Mangaroro ma ia songon aek magodang jana solatonna bahat luat.