DANIEL 10:2 - BIBEL JAMITA NA DENGGAN

² Marsiluluton do au di hatiha i tolu minggu.

DANIEL 10:2 Referans Kwoze

NEHEMIA 1:4

Umbege barita i, juguk ma au jana tangis. Sanga na piga ari lolotna sai tangis au. Torus do au puaso lalu martangiang tu Debata,

HALUMBAAN 11:5

Muda adong halak na mancubo-cubo mambaen na jahat tu halahi, gabe ruar ma api sian pamangan ni halahi laho mangaluntak angka musu ni halahi i. Jadi songon i ma dalanna gabe tarbunu sude sanga ise na giot mambaen susa tu halahi.

JAKOBUS 4:9

Angkon tutu ma hamu manyosal jana tangis dohot mangandungi; angkon gabe muba ma partatamunu gabe partangisan dohot hajojop ni rohamunu gabe hamarsahan!

SURAT NI SI PAULUS TU PARLAGUTAN ROM 9:2

Marsak sajo do au jana magopu ate-atengku

MATEUS 9:15

Dialusi Jesus ma, “Bia do ninna rohamunu? Adong ma he ninna rohamunu tamu na marsak hatiha pesta mangupa na marbagas, salolot rap dohot halahi bayo pangoli i? Tapi muda dung dapot hatihana dibuat bayo pangoli i sian halahi, baru pe anso puaso halahi.

JEREMIA 9:1

Sugari sumur na gok ma nian ulungku, jana pancur na torus mardalan ma matangku! Tarbaen au ma tangis arian dohot borngin, mangandungi angka jolma sabangsongku na nibunu ni musu.

JESAYA 66:10

Ale hamu na manghaholongi Jerusalem, beta ma marjop ni roha, marmoga-moga ma hara ni i! Hamu na marsak hara ni ia, saonnari tola ma marjop ni roha.

MASMUR 43:2

Ho do Debata, pangondianku; biasi he tadingkononMu au? Biasi angkon laing torus au manaon hara ni panyosak ni angka musungku?

MASMUR 42:9

Hudok ma tu Debata, na mangondihon au, “Biasi dihalupahon Ho au? Biasi angkon laing manaon parkancitan au, hara ni panyosak ni angka musungku?”

DANIEL 10:12

Jadi didok ia ma tu au, “Daniel, ulang ho mabiar. Madung ditangihon Debata tangiangmi mamungka sian ari parjolo disi diputuskon ho patoruk rohamu anso gabe marbisuk. Madung ro au gabe songon alus ni tangiangmi.