DANIEL 1:20 - BIBEL JAMITA NA DENGGAN

²⁰ Ganop dipasahat raja i parsoalan na mamorluhon hatorangan dohot partimbangan, sampulu lompit dumenggan diida ia sipaingot dohot hatorangan ni doli-doli na opat i martimbangkon sipaingot dohot hatorangan ni sude partondung dohot panjampi na malo di sude harajaan i.

DANIEL 1:20 Referans Kwoze

HARURUAR 8:19

gabe didok angka parelmu sihir i ma tu raja i, “Debata do mambaen on!” Tapi laing jogal do roha ni raja i, jana songon na nidok ni Tuhan, nada ra raja i manangihon si Musa dohot si Harun.

JESAYA 19:3

SundatanKu ma angka sangkap ni Mesir jana manderse halahi baenonKu. Pangidoon ni halahi ma pangurupion tu angka gana-ganaan, mangido piruang dohot panogu-noguon tu angka datu dohot angka tondi.

JOB 19:3

Mulak-ulak sai dipahancit hamu rohangku, jana sai dipahanciti hamu au so mamboto malu.

NEHEMIA 4:12

Tapi marpupu do halak Jahudi na maringanan di lambung ni halahi i ro mandapotkon hami laho paboahon sangkap ni musu i.

BILANGAN 14:22

bahaso sian sude halak on, umpe adong na torus mangolu laho masuk tu tano na Hujanjihon tu ompu ni halahi. Angke nada ra halahi mangoloi Au, tongtong do diuji halahi Au. Haru pe na dung diida halahi sinondang ni ingananKu na mambaen siloan halahi, jana madung diida halahi muse angka hahomangan na Hubaen di Mesir dohot di parhorsihan.

HARURUAR 8:7

Tapi dipasang angka parelmu i ma elmu sihir ni halahi muse, jana gok muse ma tohuk marruaran di sude luat i.

HARURUAR 7:22

Tapi laing dibaen angka parelmu ni raja i muse do songon i marhite elmu sihir ni halahi, gabe sai jogal ma roha ni raja i. Laing songon na nidok ni Tuhan, na so ra do raja i manangihon si Musa dohot si Harun.

PAMUNGKAAN 41:8

Jadi dung torang ari, marsak ma da roha ni raja i, gabe disuru ia ma anso dipio sude datu parelmu dohot halak na pistar na adong di Mesir. Jadi dipaboa ia ma nipinia i tu halahi; tapi sahalak pe nada adong na tarbaen patorangkon astuanna.

PAMUNGKAAN 31:7

Tapi haru songon i pe laing dipaoto-oto do au jana ma pola sampulu noli dipauba-uba halahi upangku. Tapi nada dipadiar Debata ia torus mambaen na jat tu au.

DANIEL 5:17

Dialusi si Daniel ma: “Nada pola porlu lehenon ni raja i di au angka silehen-lehen i, tu halak na asing ma i dilehen raja i. Hubasa pe suratan i di raja i jana hupaboa pe dohot astuanna.

DANIEL 2:21

Ia do na manontuhon musim dohot hatiha, dibalikkon Ia do parkuaso jana dipajongjong Ia. Laing Ia muse do na mangalehen habisuhon, jana na mambasa-basahon parbinotoan.

DANIEL 2:13

Jadi dipabotohon ma parenta i, jana sude halak na malo-malo i dijalahi ma anso dibunu, dohot ma disi si Daniel bope angka dongannia i.

MASMUR 119:99

Marrohaan do au ulang pado angka gurungku, angke hupasari-sari do angka parentaMu.

JEHESKIEL 28:3

Ninna rohamu ummalo do ho sian si Daniel, gabe nada adong be na buni di ho.

DANIEL 1:17

Dilehen Debata ma tu doli-doli na opat i bisuk dohot hamaloon di parbinotoan taringot tu hata dohot ragam ni angka surat. Tambani i dilehen Ia muse do tu si Daniel hamaloon laho patorang parnidaan dohot nipi.