DANIEL 1:2 - BIBEL JAMITA NA DENGGAN

² Dipaloas Tuhan do ia manaluhon Raja Joyakim dohot mangarampas deba sian angka barang sigodang arga na di Bagas Ni Tuhan. Angka halak na nitabannia, dioban ia ma i tu bagas parsombaan ni debatana di Babel jana angka barang-barang na nirampasnia i disimpan ia ma i di bagasan bagas parsombaan i.

DANIEL 1:2 Referans Kwoze

2 JUJUR TAON 36:7

Dioban si Nebukadnesar ma deba barang-barang sigodang arga na sian Bagas Ni Tuhan jana dibaen ia ma i di bagasan bagas godangnia di Babel.

ZAKARIA 5:11

Ning ia ma mangalusi, “Tu Babel do i; pajongjongon ni halahi ma disi bagas pamelean disia. Muda dung sidung pamelean i, baenon ma karanjang i disi anso disomba.”

HAKIM-HAKIM 4:2

Gabe dipadiar Tuhan halahi talu dibaen si Jabin raja ni Kanaan na maringanan di kota Hasor. Si Sisera na maringanan di Haroset-Hagoyim do panglima ni tentara i.

HAKIM-HAKIM 3:8

Gabe muruk ma Tuhan tu halak Israel jana dipadiar halahi talu jana dirajai Raja Kusan Risataim na sian Mesopotamia salapan taon honokna.

HAKIM-HAKIM 2:14

Jadi muruk ma Tuhan tu bangso Israel, jana dipadiar Tuhan ma angka pangarampok mangarampas dohot manaluhonsa, lopus nada taralo halahi be angka musuna i.

PANGARATAION 32:30

Biasi talu saribu dibaen na sada jana saratus ribu dibaen na dua alona? Na ditadingkon Tuhanna do halahi dipalapas Debata na gumogo i.

PAMUNGKAAN 11:2

Di na mardalan halahi mamolus-molus di sabola Habincaran, lalu ma halahi tu tano na hornop di Babilonia. Lalu disi ma halahi maringanan.

PAMUNGKAAN 10:10

Anggo di mulana lalu do tu Babel, Ereh dohot tu Akad kuasonia. Di Babilonia do na tolu i.

HABAKUK 1:16

Dung i disomba halahi ma jala i jana dihaulkon halahi haul tu hadang-hadanganna, angke hara ni jala i madung mardohar halahi marlobi-lobian.

DANIEL 5:18

Dibaen Debata Na Gumincat i do si Nebukadnesar simatobang ni raja i gabe raja bolon jana dilehen tusia hagodangan bope habonggalan.

JEREMIA 51:44

Bel, debata ni tano Babel, giot uhumonKu. Giot baenonKu paulahonnia sanga aha na nirampasnia. Nada be sombaon ni angka bangso ia. Madung marumpak angka tembok ni Babel.

JESAYA 11:11

Di ari i, sanoli nari giot pakeon ni Tuhan ma kuasoNia jana obanonma bangsoNia na teba i di Asur dohot Mesir, di angka luat ni Patros, Sudan dohot Elam, di Babel, Hamat dohot di angka pulo na di laut.

ESRA 1:7

Diparuar si Kores ma angka mangkuk dohot sambong-sambong na nipake najolo di bagasan Bagas Ni Tuhan na di Jerusalem. Na dihaldung ni Raja Nebukadnesar do angka barang-barang i jana dibaen di bagasan kuil ni angka debatania sandiri.

1 SAMUEL 5:2

Dioban halahi ma disi Poti i masuk tu bagas ni debata ni halahi, si Dagon, jana dipayakkon ma i di lambung ni patung ni debata i.

JESAYA 42:24

Ise do pasahatkon Israel tu na mangarampassa? Tuhan sandiri do, tuSia do hita mardosa. Nada marguru tu parentaNia pardalan ni ngolunta, jana nada taihutkon pangajaranNia.

2 RAJA-RAJA 24:1

Dompak mamarenta Raja Joyakim, disi ma ro si Nebukadnesar raja ni Babel patundukkon Juda. Tolu taon honokna tunduk si Joyakim tu si Nebukadnesar, dung i mangalo ia muse.

JEREMIA 25:1

Di taon paopatkon dung gabe raja ni Juda si Joyakim anak ni si Josia, dapot au ma tona sian Tuhan taringot tu sude bangso Juda. Taon parjolo ma hatiha i dung gabe raja si Nebukadnesar di Babel.

JEREMIA 27:16

Dung i hupaboa ma tu angka malim dohot tu sude rayat i na nidok ni Tuhan songon on, “Ulang patangi-tangi hamu angka panurirang na mandok na giot obanon ma santongkin nari angka barang-barang na di BagasKu mulak sian Babel. Pargabus do halahi.

JEREMIA 28:3

Di bagasan dua taon on, paulahonKu ma angka barang-barang na sian BagasKu na dioban ni Raja Nebukadnesar tu Babel.

JEREMIA 35:11

Tapi di na ro Raja Nebukadnesar mamorangi luat on, hami putuskon ma maporus sian tentara ni Babel dohot tentara ni Siria, jana mangungsi ma hami tu Jerusalem on. I ma dalanna umbaen na dison hami maringanan saonnari.”

JEREMIA 50:2

“Paboa ma barita tu angka bangso! Pasar ma barita i. Baen ma tanda anso sar barita i. Ulang tabuni-tabunihon barita i. Madung hona taban Babel! Madung maila Debata Bel, madung tarsonggot Marduk! Madung maila angka gana-ganaan i.

DANIEL 5:13

Manigor ma si Daniel dioban mangadop tu jolo ni raja i. Jadi disapai raja i ma tusia, “Ho dehe si Daniel halak Jahudi na tarbuang na nioban ni damang sian tano Juda?

2 JUJUR TAON 36:5

Marumur dua pulu lima taon ma si Joyakim di na gabe raja ni Juda ia, jana sabolas taon ia mamarenta di Jerusalem. Mardosa do ia tu Tuhan Debatania.