BILANGAN 9:5 - BIBEL JAMITA NA DENGGAN

⁵ Jadi dung potang ari di tanggal opat bolas di bulan parjolo i, marpesta ma halahi di Parhorsihan Sinai. Sude dipatulus halahi tumbuk songon na dung diparentahon ni Tuhan i tu si Musa.

BILANGAN 9:5 Referans Kwoze

JOSUA 5:10

Taran na marbandar di Gilgal di napa na di lambung Jeriko, dipestahon halak Israel ma Paskah di borngin ni tanggal opat bolas di bulan i.

IBRANI 11:8

Hara ni na porsaya, gabe dioloi si Abraham Debata, di na nipio ni Debata ia jana disuru anso kehe tu luat na nijanjihon ni Debata tusia. Dung i kehe do si Abraham so pola diboto ia sanga na giot tudia ia kehe.

IBRANI 3:5

Si Musa pe nian burju do ia songon pangoloi di tonga-tonga ni bagas ni Debata jana dipaboa ia do angka na giot ro.

BAENON NI ANGKA RASUL 26:19

“Jadi rajanami, Raja Agrippa, huhaburjuhon do tongtong laho mangoloi parnidaan na hujagit i sian Debata.

JOHANNES 15:14

Angka ale-alengKu ma hamu muda dikarejohon hamu sanga aha na Huparentahon tu hamu.

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

PANGARATAION 4:5

Madung huajarkon sude angka aturan i tu hamu, songon na niparentahon ni Tuhan Debata tu au. Karejohon hamu ma sudena i di tano na giot simasuhan dohot siingananmunu.

PANGARATAION 1:3

Di tanggal sada bulan sabolas di taon paopat puluhon dung ditandingkon halahi Mesir, dipabolkas si Musa ma tu bangso i sandok na nisuruhon ni Tuhan sidokkononnia tu halahi.

BILANGAN 29:40

Dung i dilehen si Musa ma tu bangso Israel sude na niparentahon ni Tuhan i tusia.

BILANGAN 8:20

Hara ni i dihaulkon si Musa, si Harun dohot sude bangso Israel ma halak Levi tu Tuhan songon na dung diparentahon Tuhan i tu si Musa.

HARURUAR 39:42

Madung dipatulus halak Israel sude karejo i laing songon na niparentahon ni Tuhan tu si Musa.

HARURUAR 39:32

Ujungna sidung ma sudena karejo i na paulihon Bandar Parmianan Ni Tuhan i. Madung disalosehon halak Israel sudena hombar tu na diparentahon ni Tuhan tu si Musa.

PAMUNGKAAN 7:5

Jadi dipatulus si Noak ma sanga songon dia na diparentahon ni Tuhan i tusia.

PAMUNGKAAN 6:22

Jadi dipatulus si Noak ma sandok na niparentahon ni Debata tusia.

BILANGAN 9:4

Jadi disuru si Musa ma halak Israel mamestahon Pesta Paskah i.

HARURUAR 12:50

Sude halak Israel tunduk do patulus na niparentahon ni Tuhan tu si Musa dohot si Harun.

BILANGAN 1:54

Jadi halak Israel pe dikarejohon halahi do sude na niparentahon ni Tuhan tu si Musa.