BILANGAN 8:13 - BIBEL JAMITA NA DENGGAN

¹³ Pasahat ma halak Levi i, gabe silehen-lehen na mardohonan di Au jana dokkon ma si Harun dohot angka anaknia i manguluhon halahi.

BILANGAN 8:13 Referans Kwoze

BILANGAN 8:21

Dung i halak Levi i pe angkon paias diri halahi mangihutkon ugamo dohot mamasu pakean ni halahi, jadi lehenon ni si Harun ma halahi gabe silehen-lehen na mardohonan tu Tuhan. Angkon baenonnia muse do karejo hasesaan ni dosa ni halahi.

BILANGAN 8:11

dung i lehenon ni si Harun ma halak Levi i gabe silehen-lehen na mardohonan sian halak Israel di Au, anso tarkarejohon halahi karejongKu.

SURAT NI SI PAULUS TU PARLAGUTAN ROM 15:16

Madung dibaen Ia do au gabe pangoloi ni Kristus Jesus, suruanNia mandapotkon angka bangso na asing. Jana hubaen do au gabe songon malim, manjamitahon Jamita Na Denggan na sian Debata anso gabe haul na tumbuk tu roha ni Debata angka halak na asing i. Sai gabe haul hapunjungan ma di Debata halahi baenon ni Tondi Parbadia.

SURAT NI SI PAULUS TU PARLAGUTAN ROM 12:1

Hara ni i ale angka dongan, hupaingot ma hamu markite-hite ibo ni roha ni Debata, anso dipasahat hamu dirimunu gabe haul na mangolu, na badia jana na tumbuk di roha ni Debata, i ma na gabe hangoluanmunu na sapatutna.

BILANGAN 18:6

Au do mamili sisolkotmu halak Levi i sian halak Israel gabe silehen-lehen tu ho. Madung mardohonan halahi di Au, anso tarbaen dohot halahi markarejo di bagasan Bandar ParmiananKu.

BILANGAN 8:12

Dung songon i payakkonon ni halak Levi i ma tangan ni halahi tu ginjang ulu ni lombu jantan na dua i, na sada haulkonon ma i gabe haul hasesaan ni dosa, na asing i gabe haul situtungon. Dohot pangalaho na songon i ma malua halak Levi i sian dosa ni halahi.

BILANGAN 8:14

Songon i ma dalanna baenonmunu paasingkon halak Levi sian halak Israel na asing i, anso gabe Au nampuna halahi.