BILANGAN 7:12 - BIBEL JAMITA NA DENGGAN

^12-83 Dioban halahi ma silehenonna be songon on ma parjojorna: ARI MARGA PAMIMPINNA Parjolo Juda Nahason anak ni si Aminadab Paduahon Isakar Natanael anak ni si Zuar Patoluhon Zebulon Eliab anak ni si Helon Paopatkon Ruben Elisur anak ni si Sedeur Palimahon Simeon Selumiel anak ni si Zurisiadai Paonomkon Gad Eliasap anak ni si Rehuel Papituhon Efraim Elisama anak ni si Amihud Pasalapankon Manase Gamaliel anak ni si Pedasur Pasambilankon Benyamin Abidan anak ni si Gideoni Pasampuluhon Dan Ahieser anak ni si Amisiadai Pasabolaskon Aser Pagiel anak ni si Okran Paduabolaskon Naftali Ahira anak ni si Enan Dos do ganop silehen-lehen na nioban ni halahi, i ma: sada pinggan sian perak boratna 1,5 kilogram dohot sada sambong perak boratna 800 gram, mangihutkon timbangan na somal. Na dua i diisi gok dohot topung na nicampur dohot miak gabe silehen-lehen sipanganon. Dung i sada pinggan sere boratna 110 gram gok hamonyan, sada lombu jantan, sada biri-biri jantan dohot sada anak ni biri-biri na marumur sataon na gabe haul pardonganan.

BILANGAN 7:12 Referans Kwoze

LUKAS 3:32

anak ni si Isai, anak ni si Obed, anak ni si Boas, anak ni si Salmon, anak ni si Nahason,

MATEUS 1:4

si Aminadab, si Nahason, si Salmon;

RUT 4:20

si Aminadab manubuhon si Nahason, si Nahason manubuhon si Salmon,

BILANGAN 10:14

Ganop mardalan halahi tongtong mangihutkon barisan na somal. Angka na mardalan di toru ni mandera parsadaan na niuluhon ni Marga Juda do mardalan parjolo, dung i angka parangan marudut-udut na niuluhon ni si Nahason anak ni si Aminadab.

BILANGAN 2:3

Sabola sian Habincaran, i ma angka na di toru ni mandera parsadaan ni Juda, angkon marbandar mangihutkon tentara dohot pamimpinna be songon na nisusun di toru on: MARGA PAMIMPIN BAHATNA Juda Nahason anak ni si Aminadab 74.600 Isakar Natanael anak ni si Zuar 54.400 Zebulon Eliab anak ni si Helon 57.400 Sudena: 186.400 Rombongan ni Juda angkon mardalan di jolo.

PAMUNGKAAN 49:10

Tiopon ni si Juda ma tungkot harajaon. Mamarenta ma pomparanna sapanjangna. Marroan ma angka bangso pasahat somba-sombana. Jana manungkap tanda tunduk di jolona.

PAMUNGKAAN 49:8

Anggo si Juda, pujion ni angka kahanggimu ma ho, jomahonmu do tangkuhuk ni musumu, jana manungkap angka kahanggimu di jolomu.

BILANGAN 7:11

didok Tuhan ma tu si Musa, “Dokkon ma tu halahi, anso ganop ari di bagasan na dua bolas ari on, sahalak sian pamimpin ni halahi mangalehen silehen-lehen na hasaya tu pesta pasahat langgatan.”

PAMUNGKAAN 35:22

Di inganan i ma dipodomi si Ruben rading ni amangnia na margoar si Bilha. Tarbege ma i tu si Jakob, gabe muruk situtu ma ia. Dua bolas anak ni si Jakob.

PAMUNGKAAN 35:23

Angka on ma anak ni si Lea: Si Ruben (i ma anak siangkaan ni si Jakob), si Simeon, si Levi, si Juda, si Isakar dohot si Zebulon.

BILANGAN 1:5

On ma goar ni angka halaklahi na gabe kapala ni ganop marga, na nipili sian bangso i, mangkarejohon karejo na nitaringotan i: MARGA KAPALA NI MARGA Ruben Elisur anak ni si Sedeur Simeon Selumiel anak ni si Zurisiadai Juda Nahason anak ni si Aminadab Isakar Natanael anak ni si Zuar Zebulon Eliab anak ni si Helon Efraim Elisama anak ni si Amihud Manase Gamaliel anak ni si Pedasur Benyamin Abidan anak ni si Gideoni Dan Ahieser anak ni si Amisadai Aser Pagiel anak ni si Okran Gad Eliasap anak ni si Rehuel Naftali Ahira anak ni si Enan