BILANGAN 6:2 - BIBEL JAMITA NA DENGGAN

² mangalehen angka aturan on tu halak Israel. Ganop halaklahi sanga dadaboru na marniet gabe sahalak nasir na mangalehen sude ngoluna tu Tuhan,

BILANGAN 6:2 Referans Kwoze

HAKIM-HAKIM 13:5

angke anggo anak na giot kandungonmi madung ditontuhon hian gabe halak nasir, jadi hara ni i, muda dung sorang anakmi ulang dipangkas obukna i. Ia ma ibana na giot paluahon bangso Israel sian kuaso ni halak Pilistin.”

SURAT NI SI PAULUS TU PARLAGUTAN ROM 1:1

Sian si Paulus, naposo ni Kristus Jesus, na dipio gabe rasul jana disuru laho mambaritahon Jamita Na Denggan na sian Debata.

IBRANI 7:27

Nada songon angka Malim Godang na asing i Ia, angkon jolo manghaulkon haul hara ni angka dosana sandiri, dung i hara ni angka dosa ni bangso i. Holan sanoli sajo do Jesus manghaulkon haul, i ma di na nihaulkonNia diriNia sandiri gabe haul.

GALATIA 1:15

Tapi hara ni denggan ni roha ni Debata, dipili Ia do au dompak so sorang jana dipiohon Ia do au laho mangoloi Ia.

2 KORINTUS 6:16

Aha ma he pardomuan ni Bagas Ni Debata dohot bagas ni gana-ganaan? Bagas Ni Debata na mangolu i do hita on, Debata sandiri pe didok Ia do, “Maringanan ma Au di tonga-tonga ni halahi, jana mangolu rap dohot halahi. Au ma gabe Debata ni halahi, jana gabe bangsongKu ma halahi.

LUKAS 1:15

Gabe halak na godang do dakdanak i mangihutkon parnidaan ni Tuhan. Nada tola ia minum anggur, sanga siinumon na koras. Mamungka di bortian dope ia, Tondi Parbadia do mangarajai ia.

PODA 18:1

Halak na so malo margaul, diparrohahon hum tu dirina, pandapot ni halak na asing nada tarjagitsa.

1 SAMUEL 1:28

Jadi hara ni i, hupasahat ma dakdanak on tu Tuhan anso gabe Ia nampunasa salolot mangolu.” Dung i marsomba ma halahi tu Tuhan.

HAKIM-HAKIM 16:17

Ujungna dicaritohon si Simson ma rahasia i. “Na dipasahat do au tu Debata gabe hapunjunganNia. Nada tola ulungku hona cukur, dibaen na dung gabe sada halak nasir do au. Muda digotap obukkon, mago noma hagogoonki boti gale ma au jana gabe halak na somal.”

HAMALIMON 27:2

deba nari paraturan tu halak Israel, “Muda dilehen sada halak tu Tuhan i panggarar ni niet na mardohonan, tola do gararon ni halahi dohot hepeng, songon on pangalahona.

HAMALIMON 20:26

Madung Hupaasing hamu sian angka bangso na asing, anso gabe hum Au sajo nampuna hamu. Angkon badia do hamu angke Au do Tuhan, jana na badia do Au.

HARURUAR 33:16

Sian dia ma antong parbinotona bahaso na lomo rohaMu di bangsoMon dohot tu au anggo na so dongananMu hami? Nada he hara ni na rap do Ho dohot hami umbaen na markoti bangsoMi sian angka bangso na asing di tano on?”

BAENON NI ANGKA RASUL 18:18

Anggo si Paulus laing honok dope ia tinggal di Korintus. Dung i marhata partinggal ma ia tu angka halak na porsaya i disi, kehe ma ia markapal dohot si Priskila dohot si Akuila tu Siria. Di Kengkrea ma dipangkas obuk ni si Paulus na ginjang i hara ni haulnia tu Tuhan.

BILANGAN 6:1

Disuru Tuhan do si Musa

HAKIM-HAKIM 13:4

Jadi angkon jamot-jamot do ho. Ulang ho minum anggur sanga minum na pamabukkon, sanga mangan bagi aha na haram,

JEREMIA 35:6

Tapi dialusi halahi ma, “Nada hami inum anggur. Diorai ompunami si Jonadab anak ni si Rekhab do hami dohot pomparannami minum anggur. Salolot-lolotna do marlaku larangan i.

BILANGAN 30:3

Tapi muda adong sada bujing-bujing na tinggal dope di bagas ni simatobangna, mambaen sada janji giot mangalehen sanga na aha tu Tuhan. Angkon karejohononnia do sude na nijanjihonnia i sanga na ni baga-bagahonnia i. Asing ma, muda hara ni na diboto amangna janji sanga baga-baga i, jadi dirarang ia.

HAKIM-HAKIM 13:14

Nada tola ia minum anggur sanga inumon na pamabukkon, nada tola muse mangankon sanga aha na haram. Sude sipaingot na Hulehen tusia angkon ihutkononnia.”