BILANGAN 34:2 - BIBEL JAMITA NA DENGGAN

² angka parenta on tu halak Israel, “Santongkin nari masuk ma hamu tu tano Kanaan, luat na giot lehenonKu gabe tano siteanonmunu. Songon on ma parbalohan ni luat i.

BILANGAN 34:2 Referans Kwoze

PAMUNGKAAN 17:8

LehenonKu ma di ho dohot di pomparanmu, i ma tano na niingananmon saonnari songon paisolat. Sude tano Kanaan gabe pomparanmu ma nampuna i ro di salolot-lolotna jana Au ma gabe Debata ni halahi.”

MASMUR 105:11

Ning Ia do, “LehenonKu ma di ho tano Kanaan baen tean-teanan.”

EPESUS 1:18

Hupangidohon anso torang mata ni rohamunu dibaen Ia, anso diastui hamu sanga aha na patut aropon ni rohamunu sian Debata na mamiohon hamu, bope hamoraon ni hasangapan, siteanon na nitontuhonNia di angka halak na porsaya.

EPESUS 1:14

Tondi i ma na gabe jaminan paboa na jagitonta ma sanga aha na nijanjihon ni Debata tu halakNia. Jana on ma na papos rohanta paboa na angkon paluaon ni Debata ma angka halakNia. Sipujion do Debata hara ni hagodanganNia i!

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

BAENON NI ANGKA RASUL 17:26

Sian sada jolma dibaen Ia ma sude bangso jana disuru Ia halahi mangingani tano on sudena. Laing marguru diSia do sian mulana laho manontuhon sanga andigan hatihana jana olat ni dia batasna halahi tola mangolu.

JEHESKIEL 47:14

Na dung Husumpahon do na giot lehenonKu tano i tu ompumunu. Hara ni i, buat ma tano i jana bagi-bagi ma i tigor di hamu be.

JEREMIA 3:19

Didok Tuhan, “O ale Israel, por do rohangKu manjagit ho songon anakKu, dohot mangalehen tu ho tano hasonangan, luat na jumeges di sandok tano on. Por do rohangKu didok ho Au Amangmu, jana nada lari be ho sian Au.

PAMUNGKAAN 10:19

jabat do, mangararati batas ni Kanaan mamungka sian Sidon lopus tu sabola Selatan donok tu Gerar, di lambung ni Gasa, dohot tu sabola Habincaran marayak Sodom, Gomora, Admah dohot Zeboim; di lambung ni Lasa.

BILANGAN 34:1

Dilehen Tuhan dope tu si Musa

JEHESKIEL 47:13

Didok Tuhan Debata i ma, “On ma batas-batas ni tano na giot bagi-bagion tu angka marga ni Israel na dua bolas i. Horong Josep manjagit dua bagian.

HARURUAR 23:31

Hupabidang pe batas ni tanomunu mamungka sian Solok Akaba lalu tu Batang aek Efrat jana sian Laut Tonga lopus tu halongonan parhorsihan. Hulehen pe kuaso di hamu maradopkon halak luat i humani di na maju hamu mangarampas tano i, paorotonmunu ma halak na manginganisa.

JOSUA 11:23

Dirampas si Josua ma sude luat i songon na dung diparentahon ni Tuhan tu si Musa. Dung i dilehen ia ma luat i jana dibagi-bagihon tu bangso Israel gabe halahi puna; sabagian be ma ganop marga. Mantak muse ma bangso Israel na marporang i.

JOSUA 13:1

Madung matobang situtu si Josua saonnari. Didok Tuhan ma tu si Josua, “Madung matobang ho, ale Josua! Hape bahat dope luat sibuaton:

JOSUA 21:43

Songon i ma dilehen Tuhan tu halak Israel sude tano na dung DijanjihonNia i mardongan sumpa tu ompu na umpompar halahi. Dung dibuat tano i, maringanan ma halak Israel disi.