BILANGAN 32:7 - BIBEL JAMITA NA DENGGAN

⁷ Biasi songon i pulukmunu mambaen mabiar halak Israel manaripari Batang aek Jordan laho masuk tu tano na nilehen ni Tuhan i di halahi?

BILANGAN 32:7 Referans Kwoze

BAENON NI ANGKA RASUL 21:13

Tapi dialusi ia ma, “Aha ma he gunana martangisan hamu songon on, hum mangarsahi ate-atengku do i. Angke nada hum nirahutan au rade, tapi na rade do au mate di Jerusalem humopkop goar ni Tuhan Jesus.”

PANGARATAION 1:28

Jadi, aha ma he gunanta tusi? Mabiar hita. Sian angka halak na tasuru tusi paboahon tu hita, gumogo jana tumogos-togos do bangso i ulang hita, jana sasalangit gincat ni tembok ni kota na niinganan ni halahi. Madung diida halahi raksasa disi!’

BILANGAN 32:9

Madung dibolus halahi lalu tu Rura Eskol jana madung diida halahi tano i. Tapi dung mulak halahi, dipabiar-biari halahi ma halak Israel, gabe mabiar masuk tu tano na nilehen ni Tuhan i di halahi.

BILANGAN 21:4

Dung i ditinggalkon halak Israel ma Dolok Hor, mardalan laho tu Solok Akaba, giot mangkaliangi luat ni halak Edom. Hape ditongan dalan, nada sobar be halahi

BILANGAN 13:27

Ninna halahi ma tu si Musa, “Madung hami pareso luat i, tutu do tano na mora do i jana na napu, jana on ma saotik batu ni hayu na hami oban sian i.

BILANGAN 32:6

Dialusi si Musa, “Bia, giot tinggal hamu dison? Salangkan angka kahanggimu angkon kehe dope marporang.

BILANGAN 13:31

Tapi ninna angka halak na rap mulak dohot si Kaleb i ma, “Nada, angke nada tuk gogonta mangalo halahi. Gumogo do halak luat i sian hita.”