BILANGAN 32:3 - BIBEL JAMITA NA DENGGAN

^3-4 “Tano di kota Atarot, Dibon, Jaeser, Nimra, Hesbon, Eleale, Sebam, Nebo dohot Beon, na dung diingani halak Israel marhite pangurupi ni Tuhan denggan situtu inganan i parpahan-pahanan, jana bahat sajo do pahan-pahanannami,

BILANGAN 32:3 Referans Kwoze

JEREMIA 48:34

Martangisan ma halak na di Hesbon dohot Eleale jana tarbege partangis ni halahi i lalu tu Jahas, jana habegean muse do tu angka jolma na sian Zoar lopus tu Horonaim dohot Eglat Selisia. Tangis halahi hara ni na mahiang muse aek di anak ni Batang aek Nimrim.

JOSUA 13:17

songon i muse Hesbon dohot angka kota na di napa pardolok i sude, i ma: Dibon, Bamot-Baal, Bet-Baal-Meon,

JEREMIA 48:45

Angka bagian pangungsi na so margogo be, kehe ma tu Hesbon manjalahi parlindungan, tu kota na jungada diparenta Raja Sihon. Hape topet do gor kota i. Ma pola dipangan api i lalu tu batas dohot tu partoran Moab, i ma luat ni halak na tagi marporang.

JEREMIA 48:32

Tangisanku ma lumobi halak na di Sibma, umpado halak Jaeser. Tudos do kota Sibma tu suan-suanan anggur na manjurur dangkana lalu tu ipar ni Laut Hamatean lalu tu Jaeser. Hape anggo saonnari madung diradas angka parbatu na musim di logo ni ari dohot batu ni anggurna pe madung dirurus.

JEREMIA 48:2

dibaen madung mago na nihagodanghon ni Moab. Madung ditaluhon musu i Hesbon jana disangkapkon do laho mangabiskon sandok bangso Moab. Di kota Madmen nada adong be habegean sora ni halak na manghatai, dibaen madung diporangi tentara kota i.

JESAYA 15:6

Batang aek Nimrim dohot duhut na martubuan di topina i pe ma pola pora mahiang, nada adong be na rata tubu disi.

NEHEMIA 9:22

Dilehen Ho di halahi hamonangan maradopkon bahat bangso dohot harajaan, songon i maradopkon sandok luat, huta dohot tano na marbalokkon tano ni halahi sandiri. Hesbon tano ni Raja Sihon dirampas halahi; Basan tano ni Raja Og diingani halahi.

HAKIM-HAKIM 11:26

Madung tolu ratus taon honokna halak Israel mangingani Hesbon dohot Aroer dohot angka kampung na adong humaliangna, dohot sude kota na adong di topi ni Batang aek Arnon. Jana biasi nada salolot ni i nada dibuat ho i?

JOSUA 13:19

Kiryataim, Sibma, Zeret-Hasahar na di ginjang ni tor na di rura i,

BILANGAN 32:1

Angka Marga Ruben dohot Gad, bahat situtu do pahan-pahananna. Dung diida halahi denggan ni tano Jaeser dohot tano Gilead panjampalan ni pahan-pahanan,

BILANGAN 21:28

Jungada ma sanoli di kota i, tentara ni si Sihon maju songon api. Kota Ar di Moab dironcohonsa. Angka tor saginjang ni Arnon ditolonsa.

BILANGAN 21:30

Marmara ma saonnari pomparanna. Sian Hesbon tu Dibon daona. Sian Nasim tu Nofah donokkon ni Medeba.”

BILANGAN 21:32

Dung i disuru si Musa ma halahi manjalahi dalan na dumenggan laho mamorangi kota Jaser. Jadi dirampas halak Israel ma kota i dohot angka kota na menek humaliangna, jana mangusir halak Amori na tinggal disi.

BILANGAN 32:2

kehe ma halahi manopot si Musa, si Eleasar dohot angka pamimpin na asing i di halak Israel, ninna halahi ma,

JEREMIA 48:1

On ma na nidok ni Tuhan Na Markuaso i, Debata ni Israel taringot tu Moab, “Marjaya ma halak Nebo, madung marumpak kotana i. Dirampas do Kiryataim jana dironcohon bentengna i, gabe maila ma antong halak na maringanan disi,

JEHESKIEL 25:9

Jadi hara ni i anggo angka kota na mampartahankon angka parbalohan na tu Luat Moab padiaronKu do porangan ni musu maradu angka kota na jumeges pe, i ma: Bet-Jesimot; Baal-Meon dohot Kiryataim.

JOSUA 21:39

Hesbon, Jaser, dohot angka tano padang-padangna.