BILANGAN 3:7 - BIBEL JAMITA NA DENGGAN

⁷ Angkon karejohonon ni halahi angka na patut karejohonkon di Bandar ParmiananKi bope mangkarejohon tugas hamalimon dohot tu halak na bahat i.

BILANGAN 3:7 Referans Kwoze

BILANGAN 1:50

Dokkon ma anso halahi markarejo di Bandar ParmiananKu dohot pasingkop parkokasna. Karejo ni halahi, i ma: Mamorsan Bandar ParmiananKi dohot parkokasna lalu markarejo gabe malim jana marbandar humaliangna.

BILANGAN 8:15

Dung dibaen hamu upacara pasahatkon halak Levi i, gabe marhak ma halahi markarejo di bagasan Bandar ParmiananKu.

BILANGAN 8:11

dung i lehenon ni si Harun ma halak Levi i gabe silehen-lehen na mardohonan sian halak Israel di Au, anso tarkarejohon halahi karejongKu.

1 JUJUR TAON 26:26

Si Selomit dohot halahi sahorong ma na martanggung jawab salaho tu sude silehen-lehen na nihaulkon ni Raja Daud, kapala ni ganop ripe, angka pamimpin ni marhorong-horong dohot na sian perwira. Angka silehen-lehen i, i ma deba sian angka barang na hona rampas ni halahi di angka parporangan jana na nihaulkon ni halahi baen sipakeon lumobi di Bagas Ni Debata.

1 JUJUR TAON 26:20

Angka Marga Levi na deba nari, dipasahat ma tanggung jawabna salaho tu parhepengon di Bagas Ni Debata dohot salaho tu gudang inganan panyimpanan ni angka silehen-lehen di Debata.

BILANGAN 31:30

Sian bagian na nilehen tu halak na bahat i, angkon buatonmunu sada sian lima pulu, bope sian halak na nitaban, bope sian lombu, halode, biri-biri dohot hambeng. Lehenon ma i sude tu halak Levi na manjago Bandar Parmianan Ni Tuhan.”

BILANGAN 3:32

Kapala ni Marga Levi i ma si Eleasar, anak ni si Harun. Ia do na manyuru parkarejo di Inganan Na Badia i.

HAMALIMON 8:35

Angkon donok tu pintu ni Bandar Parmianan Ni Tuhan i do hamu arian dohot borngin pitu ari honokna, laho mangkarejohon sanga aha na nidok ni Tuhan. Muda nada dibaen hamu songon i, mate ma hamu. Songon i do didok Tuhan i tu au.”

BILANGAN 3:8

Angkon uruson ni halahi sude parkokas na di Bandar Parmianan bope mangkarejohon angka karejo tu halak Israel na asing i.

BILANGAN 1:53

Tapi anggo halak Levi angkon donok tu Bandar ParmiananKu do bandar ni halahi. Angkon jagoon ni halahi anso ulang adong halak na donok, anso ulang gabe muruk Au gabe Huuhumi halak Israel.”