BILANGAN 3:10 - BIBEL JAMITA NA DENGGAN

¹⁰ Si Harun dohot angka anaknia, angkatonKu ma i mangkarejohon hamalimon; sanga ise na manguji giot mangkarejohon songon i angkon mate uhumon.”

BILANGAN 3:10 Referans Kwoze

BILANGAN 1:51

Muda bungkas hamu, halak Levi i ma mambuka Bandar ParmiananKi, dung i mamasang mangulahi di inganan parbandaran na baru. Asing sian halahi, sanga ise na donok tu Bandar Parmianan angkon mate uhuman.

BILANGAN 3:38

Si Musa dohot si Harun, bope angka anak ni si Harun, marbandar di jolo ni Bandar Parmianan Ni Tuhan, sabola sian Habincaranna. Karejo ni halahi do marhobas padalan upacara ibadat di halak Israel, di bagasan Inganan Na Badia i. Sanga ise halak na asing na manguji mangkarejohon songon i angkon mate uhuman.

SURAT NI SI PAULUS TU PARLAGUTAN ROM 12:7

Halak na mangurupi halak na asing, angkon marsitutu ma nian mangurupi halak. Halak na mangajari, tutu ma na mangajari i.

BILANGAN 18:7

Tapi hum ho dohot anakmu sajo do na tola mandalankon karejo ni malim na mardomu dohot langgatan bope dohot barang aha pe na adong di Bilik Na Sun Badia i. I ma karejomu, dibaen madung Hubaen hamu gabe malim. Ganop halak na so dapotan hak na songon i angkon mate uhumon muda donok tu angka barang na badia i.”

IBRANI 8:4

Sugari laing di tano on Ia, nada tarbaen Ia gabe malim, harana madung adong angka malim na manghaulkon haul na nipangido ni angka Tona ni ugamo Jahudi.

EPESUS 2:19

Hara ni i, nada etongon be hamu halak na asing sanga halak na dao. Anggo saonnari rap anggota noma hamu dohot angka na porsaya i. Dongan pangisi ni Bagas Ni Debata do hamu.

JEHESKIEL 44:8

Indada be halahi na mangatur angka upacara na badia di bagasan BagasKi, tapi angka halak sileban na nitugaskon ni halahi i noma mandalankon.

BILANGAN 18:3

Angkon karejohonon ni halak Levi na porlu di hamu, mangkarejohon tugas ni halahi di Bandar Parmianan, tapi nada tola dais halahi tu barang Inganan Na Badia sanga di langgatan. Muda dais halahi tusi, bope ho, angkon mate.

BILANGAN 16:40

Gabe parningotan di bangso Israel, bahaso asing sian pomparan ni si Harun, sahalak pe nada tola ro tu langgatan laho manutung hamonyan di Tuhan i. Halak na mangalanggar aturan on angkon dibunu songon si Korah dohot donganna. Jadi sudena i dipatulus do i songon na dung diparentahon Tuhan tu si Eleasar marhite si Musa.

BILANGAN 16:35

Diparo Tuhan i muse ma api na marjembur laho manutung na 250 halak na manutung hamonyan i.

HARURUAR 29:9

bobat dohot basaen jana kupiai ma halahi. Songon i ma baen carana mangangkat si Harun dohot angka dakdanaknia i. Angkon oloan ni halahi ma Au lopus tu pinompar ni halahi ro di salolot-lolotna songon malim.

1 JUJUR TAON 6:32

Na dung margeleran hian do halahi markarejo di Bandar Ni Tuhan dompak so dibangun Raja Salomo dope Bagas Ni Debata.

2 SAMUEL 6:7

Jadi manigor muruk ma Tuhan Debata tu si Usa jana dimatehon ma ia hara ni hipas ni tangannia i. Mate di inganan i do si Usa di lambung ni Poti Parjanjian i.

1 SAMUEL 6:19

Tapi hara ni na ditungkir ni halak Bet-Semes tu bagasan Poti Parjanjian ni Tuhan i, gabe hona bunu do dibaen Tuhan sian halahi pitu pulu halak. Gabe marsiluluton ma rayat i hara ni na nipadondonkon ni Tuhan sitaonon na songon i godang tu halahi.

HAMALIMON 22:10

Haul na mardohonan di Au, hum sabagas ni malim i do tola mangankon, halak na asing nada tola, haru pe sabagas halahi sanga parkarejo ni malim.

BILANGAN 3:11

Didok Tuhan tu si Musa,

BILANGAN 16:10

Ho Korah dohot halak Levi madung dapotan sangap sian Tuhan, hape saonnari mangalului anso hamu gabe malim.

HAKIM-HAKIM 17:5

Si Mika sandiri pe na dung adong do sada inganan parsombaannia jana dibaen ia angka patung ni gana-ganaan dohot sada efod. Madung diangkat ia muse do sahalak anaknia gabe malim.

PANGARATAION 18:5

Sian sasude marga ni Israel na dung dipili ni Tuhan do Marga Levi laho mangoloi gabe parhobas ni Tuhan salolot-lolotna.

1 RAJA-RAJA 12:31

Dipambaeni si Jerobeam muse ma angka inganan paribadatan di angka puncut ni dolok, diangkat ia ma angka malim sian tonga-tonga ni marga na so masuk tu Marga Levi.

NEHEMIA 6:11

Tapi hualusi ma, “Anggo au, nada huhagioti na maporus. Diambang ho ma lakna na giot palua diri au muda masuk martabuni di Bagas Ni Tuhan? Nada, nada ra au!”