BILANGAN 26:10 - BIBEL JAMITA NA DENGGAN

¹⁰ Tano i pe mabola jana talak ma mamondut halahi, mate ma halahi, si Kora dohot dongannia di na ro api manutung pola 250 halaklahi na mate i. Gabe parningotan ma i di halak Israel.

BILANGAN 26:10 Referans Kwoze

BILANGAN 16:38

Madung badia barang-barang i hatiha na nipasahat di ginjang langgatan ni Tuhan. Dung i buat ma inganan ni api ni halak na hona uhum hara ni dosa ni halahi i. Angkon topaon barang-barang i gabe nipis-nipis, jana baen ma sian na dung nipis i gabe tutup ni langgatan. Gabe parningotan ma i di bangso Israel.”

2 PETRUS 2:6

Laing songon i muse do pangalaho ni Luat Sodom dohot Gomora. Hona uhum do luat i dibaen Debata jana ditutung dohot api anso gabe tiruan tu angka na giot masa maradopkon angka jolma na so ra mangkaporsayai Debata.

JUDAS 1:7

Laing ingot hamu ma kota Sodom dohot Gomora dohot angka kota na humaliang i, na niinganan ni halak angka na mambaen pangalaho songon na nibaen ni angka surusuruan i. Angka pangalaho na rorang dohot na mangoloi hagiot ni sibukna do dipambaeni halahi, gabe hona uhum ma halahi dohot api na so ra mintop, baen sipaingot tu halak sudena.

JEHESKIEL 14:8

Giot aloonKu halahi, jana baenonKu gabe sipatondit tu halak na asing. PaasingonKu i sian masarakat ni bangsongKu, jadi gabe botoon ni bangsongKi ma bahaso Au do Tuhan.

JEREMIA 29:22

Jadi muda adong halak na dioban tu Babel na giot mamurai sada-sada halak, dokkonon ni halahi ma, ‘Sai dibaen Tuhan ma ho nian songon si Zedekia dohot si Ahab na nitutung ni raja Babel mangolu-olu.’

1 SAMUEL 2:34

Na gabe tanda paboa na tutu giot tarjadi na Hudokkon i, mate di sada ari ma anakmu na dua i si Hofni dohot si Pinehas.

BILANGAN 27:3

“Di na mate amangnami di halongonan, nada manadingkon anak halaklahi. Nada dohot ia dongan ni si Korah mangalo Tuhan i. Mate pe amangnami i hara ni dosania sandiri do.

HARURUAR 16:35

Manna i ma gabe panganon ni halak Israel, opat pulu taon honokna, lopus bolkas halahi tu Kanaan, inganan na hot di halahi. (

PANGARATAION 11:6

Diingot hamu muse dope na nibaenNia maradopkon si Datan dohot si Abiram, anak ni si Eliab na sian Marga Ruben i. Di jolomunu sude, mabola tano i mamondut halahi, rap dohot donganna sabagas, bandar, sude hatoban dohot pahan-pahanan ni halahi.

PANGARATAION 28:46

Sudena i ma na gabe bukti ni uhuman ni Tuhan tu ho dohot pomparanmunu salolot-lolotna.

BILANGAN 17:3

dung i suratkon goar ni si Harun tu tungkot ni na mangwakili Marga Levi. Ganop pamimpin ni marga adong sada tungkot.