BILANGAN 24:8 - BIBEL JAMITA NA DENGGAN

⁸ Sian Mesir dioban Debata halahi ruar, marporang halahi songon lombu na riar. Musu ni halahi sude dibondut, holi-holina pe diropuk, sior ni halahi pe digepu-gepu.

BILANGAN 24:8 Referans Kwoze

MASMUR 45:5

Pana ni raja i tajom do mamantik tu pusu-pusu ni musu, martungkapan angka bangso di jolo ni patmu.

JEREMIA 50:17

Didok Tuhan ma, “Tudos do halak Israel dohot biri-biri sahulanan na hona kojar jana na marserak dibaen singa. Mula-mulana ro ma raja ni Asur manyerang halahi, dung i ro muse ma si Nebukadnesar manyingkili holi-holi ni halahi.

MASMUR 2:9

Mardongan tungkot bosi tipulkononmu halahi songon hudon tano ropukonmu halahi.’ ”

BILANGAN 23:24

Suman do halak Israel tu singa na gogo; manyosop mudar ni musuna na disoro, salolot so songon i nada ra ia marongok.”

BILANGAN 23:22

Sian Mesir dioban Debata halahi haruar, marporang halahi songon lombu riar.

BILANGAN 14:9

Ulang alo hamu Tuhan i, jana ulang mabiar hamu mida halak na maringanan disi. Momo do aloonta halahi, nada he Tuhan i do donganta, jana taluhononNia do angka debata na manjago halahi. Hara ni i ulang ma mabiar.”

JEREMIA 50:9

Husosoi pe angka bangso na gogo-gogo na adong di Utara anso diporangi halahi Babel. Aturon ni halahi ma barisan laho martempur mangalo Babel lalu manaluhonsa. Angka parsior na malo-malo do halahi jana anak ni pana ni halahi nada unjung na so mangonai.

JESAYA 38:13

Marsurak do au mangido tolong lalu tu manyogot; songon singa mangarogop holi-holi; songon i ma Tuhan mangaropukkon au, mamungka sian arian lalu tu borngin dipadiar Ho do au.

DANIEL 6:24

Sonang ma roha ni raja i jana diparentahon ia ma anso diparuar si Daniel sian liang i. Dung dipadalan parenta i, hape nada adong gasa ni si Daniel saotik pe, angke porsaya do ia tu Debatania.

MASMUR 21:12

Giot tembakkononNia anak ni panaNia i, gabe marputar halahi lalu marlojongi.

PANGARATAION 32:42

Margulu podangKu sap mudar ni halahi hona bunu ni podangKu sude na mangalo i. Nada paluaonKu hosa ni alo-alongki mate muse do na margasa dohot na tartaban i.

PANGARATAION 32:23

Nada mantak Huparo mara Hupake siorKu mangalosa.

PANGARATAION 7:1

“Giot obanon ni Tuhan Debatamu ma ho tu tano siingananmu jana paorotonNia ma bahat bangso sian i. Di jolo ni matamu ayahonNia ma pitu bangso na gumodang jana na gumogo sian ho: Halak Het, Girgasi, Amori, Kanaan, Peris, Hewi dohot Jebus.

BILANGAN 21:5

gabe marungut-ungut ma halahi tu Debata dohot tu si Musa. Ninna halahi ma, “Biasi obanonmu hami haruar sian Mesir, anso bunuonmu hami di parhorsihan on, so adong panganon dison, aek pe nada adong. Gialan hami hara ni panganon na so mardai on!”

MATEUS 2:15

Disi ma halahi maringanan lopus mate si Herodes. Songon i ma tarjadi anso laing tulus hata ni Tuhan markite-hite panurirang na mandok, “Sian tano Mesir do Hupio anakKi.”

JOSUA 2:10

Na dung hami bege do baritana bagi na songon dia dibaen Tuhan pahiangkon Laut Rara di jolo ni matamunu di na kehe hamu manadingkon Mesir. Hami bege muse do sanga na bia dibaen hamu mamunu si Sihon dohot si Og raja ni bangso Amori na dua i di Habincaran ni Batang aek Jordan.

HARURUAR 23:22

Tapi muda burju do hamu mangoloi tusia dohot patuluskon sandok na Huparentahon, sosohononKu ma musumu jana Au ma marporang mangalo sude musumunu.

MASMUR 45:6

Markite-hite uhum diparenta raja i rayat, hot do habangsa harajaan na nipasahat ni Debata.